បើតាមប្រភពសារព័ត៌មានបរទេស ដែលបានចេញផ្សាយនាប៉ុន្មានថ្ងៃចុងក្រោយនេះ បានអោយដឹងថា មានយុវវ័យ ជាជាតិ តៃវ៉ាន់ ម្នាក់បានរកអោយឃើញថា ដេកស្លាប់នៅក្នុងInternet Cafe មួយកន្លែង បន្ទាប់ពីគេបានលេងវីដេអូហ្គេមដល់ទៅ 40 ម៉ោង
បើយោងតាមរបាយការណ៍ បានបញ្ជាក់អោយដឹងថា យុវវ័យម្នាក់នោះមានឈ្មោះថា Chuangត្រូវបានអោយដឹងថា បានស្លាប់បាត់បង់ជីវិត បន្ទាប់ពីគេលេងវីដេអូហ្គេមដែលមានឈ្មោះថា Diablo 3 ដល់ទៅ 40 ម៉ោងជាប់ៗគ្នា ដោយមិនខ្វល់ពីការញ៉ាំបាយទឹកអីនោះទេ ។
គួរបញ្ជាក់ផងដែរថា បើយោងតាមការអះអាងរបស់លោកវេជ្ជបណ្ឌិត Dr. James ដែលមកពីគ្លីនីក Mayo Clinic បាននិយាយបន្ថែមថា ៖ មូលហេតុចម្បងដែលធ្វើអោយយុវវ័យម្នាក់នេះបានស្លាប់បាត់បង់ជីវិតនោះ បណ្តាលមកពីគេអង្គុយយូរពេក ដែល ជាហេតុធ្វើអោយមានផលប៉ះពាល់អវិជ្ជមានទៅលើដំណើររថរវាងបេះដូង និងសរសៃឈាម ហើយមូលហេតុមួយទៀតនោះគឺថា គេមិនបានញ៉ាំបាយ ឬទឺកអីនោះទេក្នុងអំឡុងពេល 2 ថ្ងៃចុងក្រោយនេះ។
លើសពីនេះទៅទៀត បើយោងតាមការណែនាំពីវេជ្ជបណ្ឌិតរូបនេះ បានបញ្ជាក់ថា ៖ ប្រសិនណាបើលោកអ្នកធ្វើការអង្គុយនៅហ្នឹងមួយកន្លែងជាច្រើនម៉ោង ដោយមិនបានធ្វើចលនានោះលោកអ្នកអាចនឹងប្រឈមជាមួយនឹងហានិភ័យខ្ពស់ ដែលធ្វើអោយមានផលប៉ះពាល់អវិជ្ជមានទៅលើដំណើររថរវាងបេះដូង និងសរសៃឈាម ឬ ក៏អាចឈានទៅដល់ការកាំងបេះដូងទៀតផង។
ដូច្នេះ ឆ្លៀតក្នុងឧកាសនេះទំព័រ Camnews សូមធ្វើការណែនាំ ក៏ ដូចជាផ្តល់នូវដំបូន្មានខ្លះៗ ដល់យុវវ័យកម្ពុជាយើង គួរណាកុំយកតម្រាប់តាមទម្លាប់អាក្រក់មួយនេះអោយសោះ ពោលគឺគួរតែយកពេលវេលាដែលមានតម្លៃ យកទៅធ្វើការងារណាដែលមានប្រយោជន៍ចំពោះខ្លួនឯង ចំពោះគ្រួសារ ក៏ដូចជា សង្គមជាតិ ទើបជាការប្រសើរ៕
ដោយ ៖ មង្គលប្រភព ៖christianpost