ប្លែកៗ ៖ យោងតាមប្រភពសារព័ត៌មាន Dailymail ដែលបានចេញផ្សាយនាពេលកន្លងទៅបានអោយដឹងថា ស្រ្តីម្នាក់បានបំបែកឯតទគ្គកម្មពិភពលោក ក្នុងនាមជាស្រ្តីដែលស្រឡាញ់ស្បែកជើងបំផុត ក៏ដូចជាអ្នកដែលបានប្រមូលផ្តុំស្បែកជើងបានច្រើនបំផុត ពោលគឺ មានចំនួនដល់ទៅ ១៦,៤០០ គូឯណោះ។
គួរបញ្ជាក់ផងដែរថា ស្រ្តីរូបនោះមានឈ្មោះថា Darlene Flynn វ័យ ៥៧ ឆ្នាំរស់នៅរដ្ឋ Californiaសហរដ្ឋអាមេរិក ហើយត្រូវបានគេប្រសិទ្ធនាមថា នារីស្បែកជើង ចាប់តាំងពីនាងបានចាប់ផ្តើមប្រមូលផ្តុំនូវរាល់ស្បែកជើង ដែលនាងចូលចិត្តទាំងអស់ តាំងពីឆ្នាំ ២០០៦ ស្របពេលដែលនាងត្រូវបានទទួលស្គាល់ដោយស្ថាប័នឯតទគ្គកម្មពិភពលោក។
លើសពីនេះទៅទៀត មកទល់នឹងពេលនេះ ស្រ្តីរូបនេះបានប្រមូលផ្តុំស្បែកជើង បានដល់ទៅ ១៦,៤០០ គូរឯណោះ ដែលស្មើនឹងទឹកប្រាក់ប្រមាណជាង $500.000 ។ ក្រៅអំពីការប្រមូលផ្តុំនូវរាល់ស្បែកជើងផ្សេងៗ ស្រ្តីរូបនេះក៏បានប្រមូលផ្តុំនូវសម្លៀកបំពាក់ ប៉ាន់តែ ទូរស័ព្ទ ម្សៅសាប៊ូក៏ដូចជារបស់របរមួយចំនួនផ្សេងទៀតផងដែរ។
គួររំឮកផងដែរថា អំឡុងពេលផ្តល់កិច្ចសម្ភាសន៍ដល់ភ្នាក់ងារសារព័ត៌មាន North County Times បានបញ្ជាក់អោយដឹងថា ខ្ញុំគ្រាន់តែដឹងថា ខ្ញុំចូលចិត្តពួកវាទាំងអស់នេះ ហើយរាល់ពេលដែលខ្ញុំធ្វើដំណើរកំសាន្តទៅដល់ទីណាក៏ដោយ នៅលើពិភពលោក ខ្ញុំតែងតែទិញស្បែកជើងនៅក្នុងតំបន់នោះជានិច្ច៕
ដោយ ៖ ពិសីប្រភព ៖ Dailymail