ខ្លាំងរបស់គាត់មែន លោកតាវ័យ ៩៦ ឆ្នាំ មានកូនសាជាថ្មី (មានវីដេអូ)

ប្លែកៗ ៖ បើតាមការអោយដឹងពីគេហទំព័រសារព័ត៌មានប្លែកៗបរទេស ដែលទើបតែបានចេញ ផ្សាយកាលពីម្សិលមិញនេះ  បានបញ្ជាក់អោយដឹងថា លោកតា វ័យ ៩៦ ឆ្នាំម្នាក់ បានក្លាយជា ឪពុក  ដែលមានវ័យចំណាស់ជាងគេលើលោក  ខណៈពេលដែលកូនទី  ២  របស់គាត់ទើបតែបានចាប់កំណើតនាពេលកន្លងទៅថ្មីៗនេះ។

គួរបញ្ជាក់ផងដែរថា លោកតាវ័យ ៩៦ ឆ្នាំរូបនោះ មានឈ្មោះថា Ramjeet Raghav ជាពលរដ្ឋ ដែលបានរស់នៅក្នុងប្រទេសឥណ្ឌា ហើយបើនិយាយពីភរិយារបស់លោកតាវិញ គឺមានវ័យ ៥២ ឆ្នាំ និងមានឈ្មោះថា Shakuntala Devi ទើបតែបានផ្តល់កំណើតដល់កូនប្រុសរបស់ពួកគាត់ កាលពីថ្ងៃទី ០៥ តុលា នៅឯមន្ទីរពេទ្យ  Haryana ​ ប្រទេសឥណ្ឌា  ស្របពេលដែលការចាប់កំណើតកូនទី​  ២  លើកនេះ  ក៏បានធ្វើអោយលោកតាវ័យ ៩៦ ឆ្នាំ ក្លាយជាឪពុក  ដែលមានវ័យចាស់ជាងគេលើលោក។

លើសពីនេះទៅទៀត  បើយោងតាមរបាយការណ៍ដដែល ​ ក៏បានដកស្រង់នូវសម្តីឪពុកដែលមានវ័យចំណាស់ជាងគេលើលោកនេះ ដោយបាននិយាយថា ៖  គាត់នៅតែមានកំលាំងមាំទាំជានិច្ច   ក៏ដោយសារតែគាត់ជាមនុស្សដែលចូលចិត្តទទួលទានប័រ ទឹកដោះគោជាដើម ស្របពេលដែលជារឿយៗ  គាត់តែងតែបើកយុទ្ទនាការសង្រ្គាមសឹក ជាមួយភរិយារបស់លោកផងដែរ ។  មិនត្រឹមតែប៉ុណ្ណោះ  លោកតាវ័យ ៩៦  ឆ្នាំរូបនេះបានបញ្ជាក់បន្ថែមថា  កូនប្រុសទី ២ របស់គាត់រូបនេះ ក៏ជាអំណោយពីព្រះជាម្ចាស់ផងដែរ៕

ដោយ ៖ ពិសិដ្ឋប្រភព ៖ Spy