សម្រស់ Hot Girl ឡាវម្នាក់ទៀត ធ្វើឲ្យមនុស្សជាច្រើននាក់ មិនសរសើរមិនបាន

កាលពីប៉ុន្មានថ្ងៃមុន នៅក្នុងពិភពអ៊ីនធឺណេត មានការកក្រើកម្តងហើយ ដោយសារតែសម្រស់ដ៏ស្រស់ស្អាត របស់ Hot Girl ម្នាក់ ដែលត្រូវបានគេដឹងថាមកពីទឹកដី ដែលសំបូរទៅដោយសត្វដំរី។ ពេលនេះ បានលេចចេញនូវ Hot girl ជនជាតិឡាវ ម្នាក់ទៀតហើយ ដែលមានសម្រស់មិនចាញ់ Hot Girl មុនឡើយ ហើយក៏បានធ្វើឲ្យរំជើបរំជួល ក្នុងពិភពអ៊ីនធឺណេតមិនតិចផងដែរដោយសារតែសម្រស់ ដ៏ស្រស់ស្អាត មានមន្តស្នេហ៍ ឃើញហើយមិនសរសើរ មិនបាន។

Chandaly Sitphaxay គឺជាស្រីស្អាតម្នាក់ ដែលកើតនៅទីក្រុង វៀងច័ន្ទ ប្រទេសឡាវ។ នាងបានបញ្ចប់ថ្នាក់បរិញ្ញាប័ត្រ ពីសកលវិទ្យាល័យជាតិ នៃប្រទេសឡាវ។ បើតាមប្រភពពីគេហទំព័រDailylenglui បានឲ្យដឹងថា Hot Girl ម្នាក់នេះ ក៏ធ្លាប់ជានិស្សិតពេទ្យ នៅឯសកលវិទ្យាមួយនៅប្រទេសចិន ផងដែរ។

កាលពីអាយុ ១៨ឆ្នាំ Chandaly ត្រូវបានជ្រើសរើសជាអ្នកតំណាងប្រទេសឡាវ នៅក្នុងការប្រកួតបរកញ្ញាស្រស់ស្អាតអន្តរជាតិ ២០០៤ ដែលបានប្រារព្ធនៅប្រទេសចិន ហើយក្នុងឆ្នាំនោះ នាងក៏ទទួលបានតំណែងជា Miss Lux 2004 ផងដែរ។

ស្រីស្អាតឡាវម្នាក់នេះ មិនត្រឹមតែមានទម្រង់ស្រស់ស្អាតប៉ុណ្ណោះទេ នាងក៏មានរូបរាង ស្វ៊ែលមិនចាញ់តារាបង្ហាញម៉ូតឡើយ ហើយថែមទាំង ជាមនុស្សស្រីរៀនពូកែម្នាក់ និងឆ្លាតវៃផងដែរ។

រស់នៅក្នុងទីក្រុង វៀងច័ន្ទ ប្រទេសឡាវ ប៉ុន្តែស្រីស្អាត Chandaly តែងតែធ្វើដំណើរទៅទីនេះ ទីនោះ ស្ទើរគ្រប់ខេត្តក្រុង ក្នុងប្រទេស (ជួនកាលក្រៅប្រទេស) ដើម្បីថតរូបឲ្យ Brand Fashion ផ្សេងៗ។

ត្រូវបានមនុស្សជាច្រើន ចាប់អារម្មណ៍គាំទ្រ ហើយតែងតែលើកសរសើរពីនាង ជារឿយៗ ប៉ុន្តែស្រីស្អាត Chandaly រស់នៅបែបសាមញ្ញ មិនឆ្មើងឆ្មៃ និងគោរព ការពារប្រពៃណីជាតិ របស់ខ្លួនជានិច្ច៕