ជប៉ុន ៖ តារាសម្តែងស្រីដ៏ល្បីប្រចាំប្រទេសនេះ បានធ្វើអោយមានភាពភ្ញាក់ផ្អើលសាជាថ្មីជាមួយនឹងការតុបតែងម៉ូដសក់របស់នាង។
បើតាមប្រភពសារព័ត៌មានបរទេស ដែលបានចេញផ្សាយនាពេលកន្លងទៅនេះ បានអោយដឹងថា Shoko Nakagawa មានវ័យ 27 ឆ្នាំ ដែលជាតារាចម្រៀង តារាសម្តែង ក៏ដូចជា តារាម៉ូដែល ដ៏ល្បីប្រចាំប្រទេសជប៉ុន បានធ្វើអោយមានភាពភ្ញាក់ផ្អើលសាជាថ្មី ស្របពេលដែលនាងបានយកសាកសពសត្វរៃជាច្រើនមកតុបតែងលើសក់របស់នាង។
គួរបញ្ជាក់ផងដែរថា បើតាមរបាយការណ៍មួយចំនួនក៏បានលើកឡើងបន្ថែមថា វាមិនមែនជាលើកដំបូង ខណៈពេលដែលនាងបានធ្វើអោយមានភ្ញាក់ផ្អើលតាមរយៈ ការតុបតែងខ្លួនប្លែកៗនោះទេ ពោលគឺ កាលពីអំឡុងឆ្នាំ 2008 នាងក៏បានចូលរួមសម្តែង concert ជាមួយនឹងការពាក់មួកដែលពោរពេញទៅដោយសត្វល្អិតជាច្រើនផងដែរ៕
ដោយ ៖ ពិសីប្រភព ៖leakarea