ថៃ ៖ នៅពេលដែលផ្តល់កិច្ចសម្ភាស៍ជាមួយនិងអ្នកកាសែត តារាស្រីនាង Baifern Pimchanok បានទម្លាយថា ខ្លួនបានបែកគ្នាជាមួយនិងលោក Top Jaron អស់រយៈពេលប៉ុន្មានខែមកហើយ ។
ជុំវិញជាមួយនិងរឿងនេះផងដែរ លោក Chutavuth Pattarakampol ត្រូវបានមហាជនសង្ស័យថា ជាជនទីបីព្រោះឃើញលោកតែងតែស្និទ្ធស្នាលជាមួយនិងនាង Baifern Pimchanok ។
ទទ្ទឹមនឹងនេះផងដែរ នៅពេលដែលចូលរួមកម្មវិធីមួយ តារាប្រុស លោក Chutavuth Pattarakampol បាននិយាយថា ទំនាក់ទំនងរបស់លោកជាមួយនិងនាង Baifern Pimchanok គឺគ្រាន់តែជាមិត្តនឹងគ្នា ព្រោះជារឿយៗពួកគេធ្វើការជាមួយនឹងគ្នា ព្រមទាំងពិភាក្សារឿងគ្រប់យ៉ាងជាមួយគ្នា ប៉ុន្តែលើកលែងរឿងស្នេហា ។
កំលោះសង្ហាក្នុងរឿង វង្វេងភ្លើង រូបនេះបានបន្ថែមទៀតថា សព្វថ្ងៃនេះលោកនៅមិនទាន់មានស្រីណាម្នាក់ចិត្តនៅឡើយទេ ៕
ប្រែសម្រួល ៖ គន្ធា
ប្រភព ៖ kapook