អ្នកគាំទ្រស្មានថាតារាស្រីរូបនេះ បែកពីមិត្តប្រុសរូបសង្ហាទៅហើយ ដល់ពេលឃើញបែបនេះ ទើបដឹង

កំសាន្ត ៖ តារាសម្តែងថៃ នាង Namtarn Pichukkana និងលោក Pai Partith បានស្រលាញ់គ្នាជាយូរណាស់មកហើយ ប៉ុន្តែមួយរយៈចុងក្រោយនេះ អ្នកទាំងពីរមិនដែលបានឃើញបង្ហោះរូបថតជាមួយគ្នា នៅលើបណ្តាញសង្គមហ្វេសប៊ុក ឬអុិនស្រ្តាក្រាមនោះឡើយ ។

ដោយហេតុនេះហើយទើបអ្នកគាំទ្រចង់ដឹងចង់ឃើញថាតើ តារាថៃមួយគូនេះបានបែកគ្នា ឬអត់ ។

កាលពីម្សិលមិញនេះ តួស្រីក្នុងរឿង កូនប្រសាររាជវង្ស ត្រូវបានមិត្តប្រុសរបស់នាងគឺ លោក Pai Partith បង្កការភ្ញាក់ផ្អើលយ៉ាងខ្លាំង មុនថ្ងៃខួបកំណើតពិតប្រាកដរបស់នាងមកដល់ទៅទៀត ។

ជាការពិតណាស់ នាង Namtarn Pichukkana កើតនៅថ្ងៃទី ៣០ ខែសីហា ប៉ុន្តែសង្សាររបស់នាងបានរៀបចំពិធីខួបកំណើតនេះមុនពេល ដើម្បីធ្វើអ្វីមួយជាពិសេសសម្រាប់នាង ។ ជាចុងក្រោយគូស្នេហ៍មួយគូនេះបានជម្រះមន្ទិលសង្ស័យទាំងឡាយចំពោះ Fans មួយចំនួនដែលបានគិតថា ពួកគេទាំង ២ បែកគ្នា ៕