ចំណាយលុយជាង ៨ ម៉ឺនដុល្លារ ដើម្បីដើរទស្សនា បណ្តាផ្នូរខ្មោច តារាល្បី ទូទាំងពិភពលោក

ស្ទើរតែមិនគួរអោយជឿ ៖ សារព័ត៌មានចម្លែកបរទេស ដឹមីរ័រ កាលពីប៉ុន្មានម៉ោងមុននេះ បានគូសបញ្ជាក់អោយដឹងថា លោក Macabre Mark ត្រូវបានគេពណ៌នាអោយដឹងថា ជាភ្ញៀវទេសចរផ្នូរខ្មោច មានតែមួយគត់ និងចម្លែកបំផុតលើសកលលោក។

ជាការពិត លោក Macabre Mark បានចំណាយប្រាក់ច្រើនជាង ៨ ម៉ឺនដុល្លារក្នុងការធ្វើដំណើរអោយដល់បណ្តាផ្នូរខ្មោចតារាល្បីមកពីទូទាំងពិភពលោក ខណៈពេលដែលមកទល់នឹងបច្ចុប្បន្ននេះ គាត់បានធ្វើដំណើរដល់ផ្នូរខ្មោចតារាល្បីជាង ២០០ នាក់ហើយ ដោយនៅក្នុងនោះរួមមានដូចជា ផ្នូរខ្មោច Bruce Lee នៅក្រុង Seattle សហរដ្ឋអាមេរិកជាដើម

លោក Macabre Mark វ័យ ៤៨ ឆ្នាំ បានផ្តល់ជាកិច្ចសម្ភាសន៍អោយដឹងថា ប្រវត្តិនៃការសិក្សារបស់លោក មិនសូវជាល្អណាស់ណានោះទេ ដូច្នេះហើយ ករណីធ្វើដំណើរកំសាន្តបែបទេសចរណ៍មួយនេះ អាចអោយលោកយល់ដឹងច្រើន ពោលគឺ លោកអាចរៀនពីគ្រប់មជ្ឈដ្ឋាន និងគ្រប់ទីកន្លែងទាំងអស់ដែលលោកបានទៅដល់។

គួរបញ្ជាក់ផងដែរថា ក្នុងរយៈពេល ៣០ ឆ្នាំចុងក្រោយនេះលោក Macabre បានធ្វើដំណើរមានរយៈចម្ងាយដល់ទៅរាប់ពាន់ ម៉ាយន៍ (Miles) ដោយនៅក្នុងនោះបានឆ្លងកាត់ទ្វីបទាំង ៦ ដោយនៅក្នុងនោះលោកបានទៅដល់ផ្នូរសព Leon Trotsky នៅក្រុងម៉ិចសិក ផ្នូរសព John F Kennedyនៅរដ្ឋ Virginia សហរដ្ឋអាមេរិកក៏ដូចជាអ្នកនយោបាយដ៏មានឥទ្ធិពលកាលពីអតីតរបស់សាធារណៈរដ្ឋឆែក Alexander Dubcek មានទីតាំងស្ថិតនៅក្នុងក្រុង Prague ជាដើម ។ ខាងក្រោមនេះ គឺជាបញ្ជីឈ្មោះកំពូលមនុស្សល្បីឈ្មោះ ទាំង ២៥ នាក់ ដែលលោក Macabre បានទៅដល់ ៖