តុលាការប្រទេសថៃ កាលពីថ្ងៃទី ១១ តុលា បានចេញបញ្ជាអោយចាប់ខ្លួន អតីតនាយករដ្ឋមន្ដ្រីនៃប្រទេសនេះ គឺលោក ថាកស៊ីនស៊ីណាវ៉ាត្រា ក្រោមបទចោទប្រកាន់ថ្មីបំផុត ទាក់ទឹននឹងការប្រើប្រាស់អំណាចខុសច្បាប់ ក្នុងពេលលោកនៅកាន់អំណាច។
លោក ថាកស៊ីន កំពុងប្រឈមនឹងការតាមចាប់ខ្លួនពីតុលាការថៃ
លោក ថាកស៊ីនស៊ីណាវ៉ាត្រា ត្រូវបានទម្លាក់ពីតំណែងកាលពីឆ្នាំ ២០០៦ បន្ទាប់ពីមានរដ្ឋប្រហារយោធាមួយបានកើតឡើង ហើយបច្ចុប្បន្ន លោកកំពុងរស់នៅក្រៅប្រទេស។
ចៅក្រមម្នាក់របស់តុលាការថៃ និយាយថា ការមិនបង្ហាញខ្លួនរបស់លោក ថាកស៊ីន បង្ហាញថាជាការគេចវេស ហើយតុលាការនេះនឹងផ្អាកបើកសវនាការជាបណ្ដោះអាសន្ន រហូតដល់មានវត្តមានរបស់លោក ថាកស៊ីនស៊ីណាវ៉ាត្រា។
លោក ថាកស៊ីនស៊ីណាវ៉ាត្រា នឹងប្រឈមមុខជាមួយនឹងការចោទប្រកាន់ចំនួន ៥ ករណី ក្នុងនោះមាន ការប្រើប្រាស់អំណាចខុសច្បាប់ផងដែរ។
បច្ចុប្បន្ន តុលាការនេះបានចេញបញ្ជាអោយចាប់ខ្លួនលោក ថាកស៊ីនស៊ីណាវ៉ាត្រា ដើម្បីនាំខ្លួនឡើងតុលាការ កាត់ទោសតាមច្បាប់៕
ដោយ ៖ សូរីយ៉ាប្រភព ៖ DT/AFP