កំសាន្ត ៖ និយមតាមដានខ្សែភាពយន្តទើបតែមកដល់ថ្មីដែរឬទេ? ចូលចិត្តតាមដានខ្សែភាពយន្ត បែបផ្សងព្រេងដែរឬទេ? បើនិយាយពីខ្សែភាពយន្តអាភិនិហារ មន្តអាគម គ្រូធ្មប់ជាដើមនោះ តើលោកអ្នក អាចនឹងតាមដានទស្សនាជក់ចិត្តមែនទេ? ដូច្នេះ កុំឲ្យការទន្ទឹងរង់ចាំអស់លោកអ្នក នៅមន្ទិលនោះ តោះទៅតាមដានទស្សនាទាំងអស់គ្នា ខ្សែភាពយន្តដែលទើបតែមកដល់ហ៊ុយហ៊ុយផ្ទាល់តែម្តង The Fantastic Beasts And Where To Find Them ដែលចាប់ផ្តើមចាក់បញ្ចាំងចាប់ពីថ្ងៃទី ១៨ វិច្ឆិកា នេះ ត ទៅហើយ ។
ជាដំណើរផ្សងព្រេងអ្នកនិពន្ធ Newt Scamander ទៅកាន់សហគមន៍មន្តអាគមដ៏អាថ៍កំបាំង ដែលប្រជុំ ទៅដោយបណ្តាគ្រូធ្មប់ នៅទីក្រុងញ៉ូវយ៉ក រយៈពេល ៧០ឆ្នាំ មុន Harry Potter អានសៀវភៅរបស់ លោកនៅឯសាលារៀន។ បណ្តាសត្វចម្លែកៗ បានរីកមាឌ សាយភាយ និងរត់គេចខ្លួនជាបន្តបន្ទាប់ នៅក្នុងសហគមន៍មន្តអាគមមួយដែលប្រមុំផ្តុំទៅដោយអ្នកមានមន្តអាគម (មានសិល្បិ៍) និងអ្នកគ្មានមន្តអា គម(អសិល្ប៍) ។ តើរឿងហេតុនឹងទៅជាយ៉ាងណានោះ នៅពេលដែលបណ្តាសត្វចម្លែកៗទាំងតូចទាំង ធំបានរត់គេចខ្លួន តើបណ្តាគ្រូធ្មប់ដែលមានមន្តអាគមនោះ មានបទអន្តរាគមន៍យ៉ាងណា ដើម្បីសុខដុម នៃសហគមន៍របស់ពួកគេ ដូច្នេះ មានតែទៅតាមដានទស្សនាទាំងអស់គ្នា រឿង Fantastic Beasts and Where to Find Them ដែលចាក់បញ្ចាំងហើយ គ្រប់រោងភាពយន្តទំនើបៗក្នុងរាជធានីភ្នំពេញ ជា លក្ខណៈ 3D និង 4DX នៅរោងភាពយន្តទំនើប Major Cineplex by Cellcard ផ្សារទំនើប Aeon Mall ជាន់ទី ២ ។
គួររំឮកថា កាលពីរាត្រីថ្ងៃព្រហស្បត្តិ៍ទី ១៧ វិច្ឆិកា ម្សិលមិញនេះផ្ទាល់តែម្តង នៅរោងភាពយន្តទំនើប Major Cineplex by Cellcard ផ្សារទំនើប Aeon Mall ជាន់ទី ២ មានកម្មវិធីសម្ពោធជាផ្លូវការ នៃការចាក់ បញ្ចាំងខ្សែភាពយន្ត Fantastic Beasts and Where to Find Them ខណៈមានក្រុមអ្នកគាំទ្រចូលរួម យ៉ាងច្រើនកុះករ ក្នុងនោះ ក៏មានការសម្តែងសិល្បៈចម្រៀង រាំដូចគ្នាដែរ។ BreadTalk ក៏ដូចជា ក្រុម ហ៊ុន Coca cola ក៏បានចូលរួមចំណែកក្នុងការឧបត្ថម្ភកម្មវិធី ឲ្យកាន់តែសប្បាយរីករាយ និងអធឹកអធម លើសសព្វមួយដង។
ដើម្បីទទួលបានពត៌មានលំអិត ពីភាពយន្តនេះនិង ពត៌មានផ្សេងៗទៀតទាក់ទង នឹង ភាពយន្តដែលលោកអ្នកចូលចិត្ត អាចចូល ទៅ កាន់ ចៃកុន តាមប្រព័ន្ធ បណ្តាញ សង្គម ដូចជា:www.facebook.com/JaiKon.Cambodia , www.youtube.com/JaiKonCambodia ហើយក៏អាច add ចៃកុន ជាមិត្ត ក្នុង កម្មវិធី LINE ដែល មាន ID: @JAIKON ដើម្បីទទួលបានរង្វាន់ដូចជាសំបុត្រកុន និង របស់ ពីភាពយន្តជារៀងរាល់អាទិត្យ។
