ព័ត៌មានកំសាន្ត ៖ តារាថៃស្រីដែលមានឈ្មោះល្បីទាំងវ័យក្មេង នាង Davika Hoorne ដែលជាតារាសម្តែង និងជាតារាម៉ូដែលសាច់សខ្ចីផងដែរ ចំណែកឯអ្នកគាំទ្រវិញគឺមានមិនតិចទេ ទាំងក្នុងនិងក្រៅប្រទេសតែម្តង ។
នាង Davika Hoorne មានឈ្មោះក្រៅថា Mai ហើយឆ្នាំថ្មីនេះនាងទើបតែមានអាយុ ២៤ ឆ្នាំទេ រីឯអ្នកមិនបានដឹងប្រហែលជាអាចនឹងគិតថា នាងមានអាយុតិចឬ ច្រើនជាងនេះ ប៉ុន្តែការពិតទៅអាយុពិតរបស់នាងគឺ ២៤ ឆ្នាំនឹងឯង ។
គួរបញ្ជាក់ឲ្យដឹងថា តារាសម្តែងថៃរូបនេះគឺជាកូនកាត់ នាងកើតនៅថ្ងៃទី ១៦ ខែឧសភា ឆ្នាំ ១៩៩២ ។ ហើយរូបនាងគឺជាតារាសម្តែងផ្តាច់មុខរបស់ស្ថានីយ៍ទូរទស្សន៍ប៉ុស្តិ៍លេខ ៧ ជាមួយនិងលោក Mario Maurer ដែលជាកំពូលតារាសម្តែងលំដាប់ជួរមុខរបស់ប្រទេសថៃ ។ អ្នកទាំង ២ បានកសាងកេរ្តិ៍ឈ្មោះល្បីខ្លាំងបំផុតក្នុងរឿង Pee Mak ជាសាច់រឿងរវាងប្តីប្រពន្ធ ២ នាក់ដែលស្លាប់ទៅជាខ្មោច ប៉ុន្តែហេតុតែចិត្តស្រលាញ់បែរជាធ្វើមិនដឹងមិនលឺអ្វីទាំងអស់ ។ រីឯអ្នកទស្សនាសុទ្ធតែសរសើរមិនដាច់ពីមាត់អំពីសាច់រឿងដ៏ល្អឯកមួយនេះ ៕
ដោយ ៖ គន្ធា
ប្រភព ៖ IG