គួរយល់ដឹង ៖ ជាការពិតណាស់ នាពេលបច្ចុប្បន្ននេះ បណ្តាយុវវ័យភាគច្រើនចូលចិត្តតុបតែងខ្លួនប្លែកៗ ដើម្បីមើលទៅអោយមានភាពស៊ិចស៊ី នឺងឡូយ!!!!។ ដោយឡែក ការតុបតែងផ្ទៃមុខក៏ជាភាពចាំបាច់មួយដែរ ដែលត្រូវយកចិត្តទុកដាក់ ជាពិសេសត្រង់បបូរមាត់តែម្តង។
គួរបញ្ជាក់ផងដែរថា មិត្តៗនារីភាគច្រើនតែងតែប្រើពណ៌ក្រែមលាបបបូរមាត់ទៅតាមចំណង់ចំណូលចិត្តរៀងៗខ្លួន ជាពិសេសក្នុងការប្រើពណ៌ផ្កាឈូក នឹងពណ៌ក្រហមតែម្តង។
ដោយឡែក នាពេលនេះ ទំព័រសារព័ត៌មានកំសាន្ត សូមនាំអារម្មណ៍មិត្តៗនារី ងាកក្រឡេកមកមើល តារាម៉ូដែលនៅឯកម្មវីធីដើរម៉ូត London Fashion Week វិញម្តង ដែលត្រូវបានរកអោយឃើញថា នាងបានដើរបង្ហាញម៉ូតជាមួយនឹងភាពស៊ិចស៊ី ស្របពេលដែលនាងលាបបបូរមាត់ ជាមួយនឹងក្រែមពីរពណ៌ឯណោះក្នុងពេលតែមួយ។
លើសពីនេះទៅទៀត ក្រោយពីមានការចេញផ្សាយនូវរូបនេះនៅលើគេហទំព័រមួយចំនួន ក៏មានមតិចោទសួរថា តើការលាបបបូរមាត់ជាមួយនឹងក្រែមពីរពណ៌ក្នុងពេលតែមួយបែបនេះ ជាការទាក់ទាញមួយពិតប្រាកដមែនឬ? ៕
ដោយ ៖ ពិសីប្រភព ៖ glamour