ដើមខែតុលា តារាពិភពលោក ចូលចិត្តខោខៅប៊ោយ

ឈានចូលដល់ខែតុលា ដែលជារដូវរំហើយនេះ គេឃើញតារាពិភពលោកភាគច្រើន ពេញចិត្តនឹងខោខៅប៊ោយជាខ្លាំង ប៉ុន្ដែស្ទីលស្លៀកពាក់របស់ពួកគេម្នាក់ៗ មានភាពខុសគ្នា។

សមាជិកពីររូបរបស់ KARA ត្រូវបានគេយកចិត្តទុកដាក់បំផុត នាពេលបច្ចុប្បន្ន ៖ ថ្មីៗនេះ Nicole និង Jiyoung ទើបបានបង្ហាញខ្លួននៅព្រលានយន្ដហោះ។ ខណៈដែល Nicole លេចធ្លោជាមួយអាវសិមិស ក្រឡា ខោខៅប៊ោយរឹបរាង រួមនឹងស្បែកជើង ankle boots និងកាបូប satchel ស្រីស្អាត Jiyoung បែរជា ហាក់មានភាពជាអ្នកការិយាល័យជាង ដោយពាក់អាវ blazer ខោរឹបរាង skinny និងស្បែកជើង chelsea boots ។ Goo Hara ប្រើប្រាស់អាវធំ camo អាវយឺតស ខោខៅប៊ោយរឹបរាង និងស្បែកជើងកវែង ankle boots មើលទៅដូចមានភាពកក់ក្ដៅណាស់។ Sooyoung បញ្ចេញភាពមាំមួន ជាមួយអាវសិមិស ក្រឡា និងខោ skinny jeans ស្បែកជើងកីឡា។ ស្ទីលពីរពណ៌ លឿង និងខៀវរបស់នាង ថ្វីបើសាមញ្ញ ប៉ុន្ដែ វាមានប្រសិទ្ធិភាពខ្ពស់ ក្នុងការទាក់ទាញក្រសែភ្នែកអ្នកនៅជុំវិញ។ តារាសម្ដែងស្រីនាង Kim Seon បង្កការចាប់អារម្មណ៍ខ្លាំង ដោយស្ទីល menswear របស់ខ្លួន ៖ អាវសិមិសពណ៌ស អាវធំ blazer ខោរឹបរាង និងស្បែកជើង ankle boots បែបបុរស។ ឈុតmenswear របស់ Kim Seon ពិតជាលេចធ្លោនៅទីសាធារណៈ។ ស្រីស្អាត Clara ក៏ចូលចិត្តស្លៀកខោខៅប៊ោយវែង នៅពេលរដូវរំហើយមកដល់។ Kristen Stewart បង្ហាញខ្លួនតាមដងផ្លូវ ក្នុងឈុត អាវយឺត ខោខៅប៊ោយ និងស្បែកជើងកីឡា។ ចំណែកក្សត្រីចម្រៀងស្រុកស្រែ Taylor Swift បានបោះបង់រ៉ូបនានារបស់ខ្លួន ហើយមកប្រើប្រាស់ឈុតកីឡា ដ៏មាំមួន ស្ទីលនារីទាន់សម័យ។ សម្លៀកបំពាក់របស់ស្រីស្អាតនេះ រួមមានអាវ tank-top អាវ hoodie ខោរឹបស្ទើរវែង ហើយចំណុចលេចធ្លោរបស់នាង គឺស្បែកជើងរូបផ្កា។Selena Gomez កំពុងពេញចិត្តនឹងស្ទីលបែបមនុស្សពេញវ័យ។ នាងពាក់អាវយ៉ាងស្ដើងមើលឃើញអាវទ្រនាប់ ជាមួយខោខៅប៊ោយវែង និងស្បែកជើងកែង ពណ៌ផ្កាឈូកខ្ចី។Jessica Alba ប្រើប្រាស់អាវផ្កាក្រមៅ រួមនឹង blazer ពណ៌ខ្មៅ ខោខៅប៊ោយដាច់ និងស្បែកជើងកវែងពណ៌ខ្មៅ។