កាលពីពេលកន្លងទៅថ្មីៗនេះ ព័ត៌មានស្តីពីតារាចម្រៀងវ័យក្មេង Justin Bieber ត្រូវបានបណ្តាសារព័ត៌មានចុះផ្សាយជាច្រើន បន្តបន្ទាប់គ្នា ដែលភាគច្រើន គឺជាសកម្មភាព មិនសូវល្អរបស់តារាចម្រៀងរូបនេះ ហើយក៏តែងតែត្រូវបានអ្នកគាំទ្រ រិះគន់យ៉ាងច្រើនផងដែរ។
ចំពោះមុខនឹងការិះគន់ស្ទើររាប់មិនអស់ ពីសំណាក់ទស្សនិកជន ក៏ដូចជាអ្នកគាំទ្រ តារាចម្រៀងដែលមានចរិកឬកពារ បែបប្លែកៗរូបនេះ មិនត្រឹមតែ មិនបញ្ឈប់ និងកែលំអ នោះទេ ថែមទៀត បន្តបញ្ចេញ បង្ហាញនូវទង្វើមិនសូវល្អ ដែលពិតជាទើសភ្នែក ទស្សនិកជន យ៉ាងខ្លាំង។
ជាក់ស្តែង កាលពីពេលថ្មីៗនេះ Justin Bieber បានបង្ហាញឲ្យឃើញពីទង្វើ គួរឲ្យទើសភ្នែកមួយទៀត ដោយរូបគេ បានប្រើអង្គរក្សពីរនាក់ លីរូបគេឡើងកាំជណ្តើរ ក្នុងពេលដែលបានទៅចូលរួមទស្សនា នៅមហាកំផែង ប្រទេសចិន។
លើសពីនេះទៅទៀត ក្រោយមករូបភាពមួយសន្លឺកទៀត ត្រូវបានបង្ហោះឡើងអ៊ីនធឺណេត ក៏បានបង្ហាញឲ្យឃើញពីចរឹកបែបយ៉ាប់ៗ របស់ Justin ផងដែរ ពោលគឺ នៅក្នុងរូបនោះ គេឃើញមានអង្គរក្សពីរនាក់ ត្រូវរត់តាមពីក្រោយ Justin ត្រុកៗ ក្នុងពេលដែលរូបគេ ជិះរទេះស្គីលេង តាមផ្លូវ នៅទីក្រុងប៉េកាំង ប្រទេសចិន។
តាមរយះសកម្មភាពទាំងនេះ មានអ្នកគាំទ្រជាច្រើន ជាពិសេសអ្នកនិយមលេងអ៊ីនធឺណេត បានបញ្ចេញមតិយោបល់ បែបរិះគន់ថា សកម្មភាពរបស់ Justin ពីមួយថ្ងៃ ទៅមួយថ្ងៃ កាន់តែផ្តេសផ្តាស មើលទើសភ្នែកណាស់។ អូយ! Justin អ្នកប្រើគេឲ្យលីអ្នកដូច្នេះឬ? អ្នកពីមួយថ្ងៃទៅមួយថ្ងៃ អ្នកកាន់តែឆ្មើងឆ្មៃហើយ, ខ្ញុំពិតជាមានការអាណិតអាសូរ ដល់អង្គរក្សរបស់ Justin ណាស់, ម្នាក់នេះ ពិតជាមនុស្សកំពូលខ្ជិល...... នេះគឺជាការបញ្ចេញមតិយោបល់មួយចំនួន របស់អ្នកគាំទ្រ៕
ដោយ៖ សិលាប្រភព៖ kenh14