លោក Rylan Clark បានធ្វើពិធីខួបកំណើតគំរប់អាយុ២៤ ឆ្នាំរបស់ខ្លួនកាលពីថ្ងៃពុធម្សិលមិញជាមួយនឹងក្រុម X Factor របស់រូបលោកដែលពិធីដូចបុណ្យ Halloween។
មិត្តរួមក្រុម X Factor បានចូលរួមពិធីខួបកំណើតរបស់រូបលោក ក្នុងក្លឹបកំសាន្តរាត្រីឈ្មោះ Makhiki ទីក្រុងឡុង ហើយអ្នកទាំងអស់នោះសុទ្ធតែស្លៀកពាក់ដូចក្នុងពិធីបុណ្យ Halloween អញ្ចឹង។
ចំណែកឯលោក Rylan វិញបានបង្ហាញសិល្បៈនៃស្លៀកពាក់របស់លោកជាកីឡាករបាល់អោបឆ្លុះបង្ហាញពីភាពសិចស៊ីរបស់ក្បាលពោះក្លែងក្លាយរបស់លោក ដែលមានប្រលាក់ឈាម។
រូបភាព៖ លោក Rylan Clark និងកញ្ញា Lucy Spraggan
កញ្ញា Lucy Spraggan ក៏បានចូលរួមក្នុងពិធីខួបកំណើតរបស់លោកដែរ ដោយស្លៀកពាក់ជារាងផ្លែល្ពៅ។ ចំណែកឯ James Arthur និង Kaye Sones បានស្លៀកសំលៀកបំពាក់ពណ៌ខ្មៅគួរឲ្យក្លាច ហើយក្រុម Union J វិញស្លៀកពាក់សំលៀកបំពាក់គិលានុបដ្ឋាដែលប្រលាក់សុទ្ធតែឈាម។
រូបភាព៖ Union J ស្លៀកពាក់សំលៀកបំពាក់គិលានុបដ្ឋាប្រលាក់ឈាម
លោក Rylan បាននិយាយថា “នេះគឺជាការប្រារព្វពិធីខួបកំណើតយ៉ាងធំរបស់ខ្ញុំ ដែលបាន ជួបជុំមិត្តភក្តិចាស់ៗខ្ញុំជាច្រើន”៕
ដោយ៖ សីហា
ប្រភព៖ dailymail