គ្រោះថ្នាក់ ៖ បើតាមការអោយដឹងពីគេហទំព័រសារព័ត៌មានបរទេស Sky ដែលទើបតែបានចេញផ្សាយកាលពីម្សិលមិញនេះ បានបញ្ជាក់អោយដឹងថា ឆ្កែដ៏មានសំណាងមួយក្បាល ត្រូវបានរកអោយឃើញថា នៅរស់រានមានជីវិត បន្ទាប់ពីបានត្រូវរថយន្តបុក នឹងសៀតជាប់ទៅនឹងចំរឹងដែកដែលនៅពីលើស្លាករថយន្ត ហើយបានបើកបន្តទៅមុខចម្ងាយជាង ១៧ គីឡូម៉ែត្រ។
គួរបញ្ជាក់ផងដែរថា រឿងឧបទ្ទេវហេតុគ្រោះថ្នាក់មួយនេះ បានកើតឡើងនៅរដ្ឋ Massachusettsសហរដ្ឋអាមេរិក ស្របពេលដែលបុរសម្នាក់បានបើករថយន្តធ្វើដំណើរទៅកាន់កោះ Rhode Isl-and ។ ខណៈពេលដែលកំពុងតែធ្វើដំណើរនៅតាមផ្លូវ ស្រាប់តែមានសត្វឆ្កែសម្បុរសមួយក្បាលរត់កាត់ឡាន ភ្លាមៗនោះ គាត់ក៏បានជាន់ហ្រ្វាំង នឹងបុកវា តែរកមិនឃើញឆ្កែមួយក្បាលនោះសោះដោយគា្រន់តែបានបន្សល់ស្លាកស្មាមឈាមបន្តិចបន្តួចតែប៉ុណ្ណោះ។
ក្រោយមក គាត់ក៏បានធ្វើដំណើរទៅមុខជាធម្មតា តែដោយមានមន្ទិលសង្ស័យ គាត់ក៏បានឈប់នៅឯស្នងការដ្ឋាននគរបាលក្នុងស្រុកមួយកន្លែង ស្របពេលដែលមន្រ្តីការពារសត្វចិញ្ចឹមបានរកឃើញឆ្កែដ៏មានសំណាងមួយក្បាលនោះ នៅក្នងចំរឹងដែក ដែលនៅពីលើស្លាករថយន្តទៅវិញ ភ្លាមៗនោះវាក៏ត្រូវបានបញ្ជូនទៅកាន់គ្លីនីក ដើម្បីធ្វើការសង្គ្រោះ ក៏ដូចជាព្យាបាល ខណៈពេលដែលមន្រ្តីការពារសត្វចិញ្ចឹម ក៏ដូចជាអ្នកបើកបរ នឹងមនុស្សមួយចំនួនផ្សេងទៀត បានលាន់មាត់ថា វាពិតជាមានសំណាងហួសពីការស្មានមែន៕
ដោយ ៖ ពិសីប្រភព ៖ Sky