ចម្លែកៗ ៖ បើយើងងាកក្រឡេកទៅមើល ខេត្ត Shenzhen ប្រទេសចិន ឯណោះវិញអោយដឹងថា ស្រ្តីជាម្តាយវ័យក្មេងម្នាក់ អាចរកប្រាក់ចំណូលយ៉ាងតិចបាន ៨,០០០ យ័ន សម្រាប់ការបរិច្ចាកក្នុងការលក់ទឹកដោះរបស់ខ្លួន នេះបើតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស wired ។
គួរបញ្ជាក់ផងដែរថា តម្រូវការទឹកដោះ ពិតជាមានការកើនឡើងខ្ពស់ជាខ្លាំងនៅក្នុងប្រទេសចិន បន្ទាប់ពីក្រុមមនុស្សបានដឹងថា វាពិតជាមានផលប្រយោជន៍ជាខ្លាំងចំពោះសុខភាព។ លោក Lin Jun គឺជាបុគ្គលមួយរូប ដែលបានចាប់ផ្តើមដំណើរការភ្នាក់ងារផ្តល់ទឹកដោះ ដោយនៅក្នុងនោះ ការងាររបស់គាត់ រួមបញ្ជូលទាំងការស្វែងរក ទឹកដោះស្ត្រីជាម្តាយវ័យក្មេង សម្រាប់ក្រុមមនុស្សជាអ្នកមាន។
គាត់បានផ្តល់ជាកិច្ចសម្ភាសន៍ ដល់ទីភ្នាក់ងារសារព័ត៌មាន Shanghai Daily ថា ទឹកដោះ គឺជាភេសជ្ជៈប៉ូវកំលាំងល្អបំផុត ជាពិសេសពិតជាប្រយោជន៍យ៉ាងសំខាន់ សម្រាប់បុគ្គលណាមួយ ដែលធ្លាប់បានធ្វើការវះកាត់ ។ មិនត្រឹមតែប៉ុណ្ណោះ លោក Jun បន្ថែមថាស្រ្តីជាម្តាយក្នុងរយៈពេល ៨ ខែ អាចរកប្រាក់ចំណូលបាន ១២០,០០០ យ័ន ឯណោះ៕
ដោយ ៖ រិទ្ធីប្រភព ៖ wired