អាហារបីប្រភេទ ជួយឱ្យភ្នែកមើលឃើញច្បាស់ល្អ និង គ្មានជំងឺឆ្លង

សុខភាពភ្នែក  គឺជាបញ្ហាមួយ  ដ៏សំខាន់បំផុត  សំរាប់មនុស្សគ្រប់រូប មិនថា ប្រុស ស្រី ចាស់ ក្មេងឬ កុមារនោះទេ។ ភ្នែកអាចឱ្យយើងមើលឃើញនូវអ្វីៗ ទាំងអស់នៅលើពិភពលោក ដ៏ស្រស់ស្អាតជាពិសេស  ក្រុមគ្រួសារ និង មនុស្សជាទីស្រលាញ់ នៅជុំវិញខ្លួនរបស់អ្នក។ ដូច្នេះ អ្នកត្រូវថែរក្សាភ្នែកឱ្យមានសុខភាព ដោយចេះជ្រើសរើសនូវប្រភេទអាហារណាដែលជំនួយ ការពារ និង ផ្តល់នូវសារធាតុចិញ្ចឹមច្រើន ចំពោះភ្នែក។

ខាងក្រោមនេះ គឺជាប្រភេទអាហារមួយចំនួន ដែលជួយឱ្យភ្នែករបស់អ្នកមើលឃើញច្បាស់ល្អ និងមានសុខភាពល្អ។

១/ បន្លែបៃតង៖ ជាប្រភេទអាហារម្យ៉ាង ដែលសម្បូរ ដោយ  សារធាតុចិញ្ចឹមដូចជា៖ carotenoid lutein និង zeaxanthin ដែលមានតួនាទីការពារនិងកាត់បន្ថយហានិភ័យនៃជំងឺចាស់មុនអាយុ និងជួយឱ្យភ្នែករបស់អ្នក ភ្លឺច្បាស់ល្អ។

២/ ការ៉ុត៖ ជាអាហារល្អបំផុត សំរាប់ភ្នែក ដោយសារតែ ការ៉ុតមានផ្ទុកនូវសារធាតុ betacarotene វីតាមីន A សារធាតុ  antioxidant​​ និង  សារធាតុចិញ្ចឹមជាច្រើនទៀត  ដែលអាចជួយការពារភ្នែកពីជំងឺឈឺភ្នែក និង ជំងឺឆ្លងផ្សេងៗ ទៀត។

៣/ ត្រីទឹកដែលមានផ្ទុកសារធាតុខ្លាញ់ច្រើន៖ មានដូចជាប្រភេទត្រី  salmon ត្រី tuna ត្រី cod ត្រី haddock និង ត្រី sardines  គឺសម្បូរទៅដោយសារធាតុប្រេងអាស៊ីតខ្លាញ់ omega-3 មានសុខភាពល្អ ចំពោះភ្នែក។ ជាពិសេស  គឺមានកំរិតអាស៊ីតខ្លាញ់ omega-3 ខ្ពស់ ដែលមានសារៈសំខាន់សំរាប់សុខភាពកោសិកាភ្នែក៕

ដោយ៖ វណ្ណៈប្រភព៖ huffingtonpost