ស្រាក្រហមទាំង១០ ដ៏មាន តម្លៃថ្លៃបំផុតក្នុងពិភពលោក

បរទេស៖ យើងសង្កេតឃើញថា បច្ចុប្បន្ននេះ ស្រាក្រហមកំពុងទទួល បានការចាប់អារម្មណ៍ យ៉ាងខ្លាំង នៅលើទីផ្សារទូទាំងពិភពលោក។ ដោយសារការគាំទ្រ ជាមួយរសជាតិ និងពណ៌របស់ស្រាក្រហម បានធ្វើការអភិវឌ្ឍកែច្នៃ ព្រមទាំងតម្លៃ របស់ស្រាកាន់តែថ្លៃ។ ខាងក្រោមនេះ ជាស្រាក្រហមទាំង១០ ដ៏មានតម្លៃថ្លៃបំផុត ក្នុងពិភពលោក ៖

១. Screaming Eagle Cabernet Sauvignon 1992

ជាស្រាក្រហមដ៏មានតម្លៃថ្លៃបំផុតលំដាប់ទី១ ក្នុងពិភពលោក ដែលផលិតទ្បើងនៅតំបន់ Napa valley ក្នុងរដ្ឋ California សហរដ្ឋអាមេរិក ជាមួយនឹងតម្លៃចំនួន ៥០០.០០០ ដុល្លារអាមេរិក។

២. Chateau Margaux 1787

ត្រូវបានគេស្គាល់ថា ជាស្រាក្រហមដ៏មានតម្លៃថ្លៃបំផុត ដែលបានដាក់លក់ជាលើកដំបូងក្នុងតម្លៃ ៥០០.០០០ ដុល្លារអាមេរិក ដោយលោក William Sokolin ជាអ្នកជំនួញស្រានៅទីក្រុងញូវយ៉ក។

៣. Chateau Lafite 1787

ស្រាក្រហមនេះ ត្រូវបានគេលក់ទៅឲ្យលោក Malcolm Forbes ជាប្រធានាធិបតីទី៣ របស់សហរដ្ឋអាមេរិកនៅឆ្នាំ ១៩៨៥ ក្នុងតម្លៃចំនួន ១៦០.០០០ ដុល្លារអាមេរិក។

៤. Penfolds Grange Hermitage 1951

ជាស្រាក្រហមដ៏មានតម្លៃរបស់ប្រទេសអូស្រ្តាលី ដែលក្នុងមួយដបមានតម្លៃចំនួន ៣៨.៤២០ ដុល្លារអាមេរិក។

៥. Cheval Blanc 1947

នៅក្នុងឆ្នាំ ២០០៦ ស្រាក្រហមនេះ ត្រូវបានលក់ចេញចំនួន ៣ ដបដោយក្រុមហ៊ុន Vinfolio នៅទីក្រុង San Francisco ដែលក្នុងមួយដបមានចំណុះចំនួន ៧៥០ មីលីលីត្រ និងមានតម្លៃ ៣៣.៧៨១ ដុល្លារអាមេរិក។

៦. Inglenook Cabernet Sauvignon 1941

ស្រាក្រហមនេះ បានផលិតទ្បើងនៅតំបន់ Napa valley ក្នុងរដ្ឋ California សហរដ្ឋអាមេរិក និងត្រូវបានលក់ក្នុងតម្លៃចំនួន ២៤.៦៧៥ ដុល្លារអាមេរិក។

៧. Chateau Mouton-Rothschild 1945

នៅឆ្នាំ ២០០៧ ស្រាក្រហមមួយនេះ ត្រូវបានគេដាក់ដេញថ្លៃនៅក្នុងសារមន្ទីរ Sotheby ទីក្រុងញូវយ៉ក ដែលមានតម្លៃចំនួន ២៣.០០០ ដុល្លារអាមេរិក ក្នុងចំណុះដបចំនួន ៧៥០ មីលីលីត្រ។

៨. Domaine de la Romanee-Conti 1990

នៅក្នុងឆ្នាំ ១៩៩៦ ស្រាក្រហមនេះ ត្រូវបានដាក់លក់នៅឯសារមន្ទីរ Sotheby ទីក្រុងញូវយ៉កចំនួន ៨ ដប ដែលក្នុងមួយដបមានតម្លៃចំនួន ២០.៩៧៥ ដុល្លារអាមេរិក។

៩. Chateau Lafite 1865

ស្ថិតនៅលេខរៀងទី៩ ក្នុងចំណោមស្រាក្រហម ដ៏មានតម្លៃថ្លៃបំផុតក្នុងពិភពលោក គឺ Chateau Lafite 1865 ដែលមានចំណុះដបចំនួន ៧៥០ មីលីលីត្រ និងតម្លៃចំនួន ៤.៦៥០ ដុល្លារអាមេរិក។

១០. hateau Margaux 2009 Balthazar

ស្រាក្រហមនេះ ត្រូវបានលក់ផ្ដាច់មុខដោយហាង Le Clos នៅឯព្រលានយន្តហោះអន្តរជាតិទីក្រុងឌូបៃ ដែលក្នុងមួយដបមានតម្លៃ ៤.០៦២ ដុល្លារអាមេរិក៕

ផ្តល់សិទ្ធដោយ ៖ ដើមអម្ពិល