ស្រ្តីវ័យ ៤៩ ឆ្នាំ Linda Sirois រស់នៅ Madawaska សហរដ្ឋអាមេរិកបានស្ម័គ្រចិត្តពរពោះជំនួសកូនស្រីដើម្បីបង្កើតចៅ ព្រោះកូនស្រីរបស់ខ្លួនមានជំងឺបេះដូងដែលមិនអាចពរពោះបាន។
អ្នកស្រី Linda
កូនស្រីរបស់អ្នកស្រីឈ្មោះ Angel អាយុ ២៥ ឆ្នាំជាមួយនឹងប្ដី Brian អាយុ ២៩ ឆ្នាំត្រូវបានក្រុមគ្រូពេទ្យប្រាប់ថានារីជាប្រពន្ធមិនអាចពរពោះបាននោះទេ ព្រោះនាងមានបញ្ហាខ្សោយបេះដូងដែលបណ្ដាលអោយនាងមិនអាចពរពោះបានព្រោះវាអាចមានគ្រោះថ្នាក់។ ហេតុនេះហើយនាងLinda ជាម្ដាយត្រូវសម្រេចចិត្តថាពរពោះជំនួសកូនស្រីរបស់ខ្លួនតែម្ដង ដែលនាងបានសម្រេចក្នុងការឆ្លងទន្លេដល់ចៅរបស់នាងកាលពីសប្ដាហ៍មុននោះ។
នាង Angel បានប្រាប់ថា ក្រោយពេលបានឮដំណឹងនេះគេមិនសប្បាយចិត្តនោះទេ ប៉ុន្តែក៏ពួកគេមិនអាចធ្វើអ្វីបានដែរ ម្យាងនាងចង់បានកូនជាខ្លាំងហេតុនេះហើយគ្រួសាររបស់នាងទាំងមួលត្រូវសម្រេចចិត្តអោយ Linda ជាម្ដាយពរពោះជំនួស។ ដោយបានប្រើការចាក់បញ្ចូលទឹកអង្គជាតិបុរស ទៅក្នុងស៊ុតបង្ករកំណើត។ ហើយកាលពីសប្ដាហ៍មុននេះ Linda ជាម្ដាយបានផ្ដល់កំណើតដល់ចៅប្រុសរបស់នាង ដែលគេកើតមកពេញរូបពេញរាង និងមានសុខភាពល្អដូចទារកដទៃ៕
ដោយ៖ ម៉ូកាប្រភពពី៖ nydaily