អង់គ្លេស៖ តាមការអោយដឹងពីគេហទំព័រ Newsday បានចុះផ្សាយកាលពីថ្ងៃ ២០វិច្ឆិកាម្សិលមិញថា ក្មេងស្រីវ័យជំទង់ម្នាក់ត្រូវបានបុរសស្លៀកពាក់អាវឈុតខ្មៅម្នាក់ ដែលមានរាងដូចនិនចា លួចវ៉ៃយ៉ាងធ្ងន់ដៃ នៅលើកណាត់ផ្លូវមួយ។
ព្រឹត្ដិការណ៍នេះ បានកើតឡើងកាលពីវេលាម៉ោង ១២: ៣០ នាទីថ្ងៃត្រង់ នៅលើដងផ្លូវPlaistow ប៉ែកខាងកើតទីក្រុង London ខណៈដែលក្មេងស្រីម្នាក់ មានវ័យ ១៦ឆ្នាំបានដើរតែឯង ស្រាប់តែបុរសបិទមុខនិនចា មិនស្គាល់អត្ដសញ្ញាណមកពីណា វាយនាងខ្លាំងៗរហូតដល់ដួលសន្លប់ទៅលើដី។
ទោះបីជាយ៉ាងណាក៏ដោយ ក៏ក្មេងស្រីនោះ ត្រូវបានគេបញ្ជូនទៅកាន់មន្ទីពេទ្យ ដើម្បីសង្រ្គោះបន្ទាន់ផងដែរ ស្របពេលដែលបុរសនោះ ត្រូវបានប៉ូលីសធ្វើការឃាត់ខ្លួន រូចបញ្ជូនទៅកាន់តុលាការក្រុង។ ជាការពិតណាស់ មិនថាស្រុកយើង ស្រុកគេ ការលួចវាយក្នុងគោលបំណងអ្វីមួយតែងតែត្រូវបានកើតឡើងជារឿយៗ ដូច្នេះ ក្នុងនាមយើងជាមនុស្សស្រី ការដើរហើរ ត្រូវចេះតែប្រុងប្រយ័ត្នជាប់ខ្លួនជានិច្ច។
ដោយ៖ មឿនប្រភព៖ newsday