អាមេរិក៖ តាមការស្រាវជា្រវថ្មីមួយ របស់ក្រុមអ្នកវិទ្យាសាស្រ្ដ នៃសាកលវិទ្យាល័យ CollageUnited States បានអោយដឹងថា តំបន់ ឬចំនុចដែលក្ដៅជាងគេលើពិភពលោក គឺតំបន់ DeathValley ជិតរដ្ឋកាលីហ្វូញ៉ា សហរដ្ឋអាមេរិក។
តាមការអោយដឹងពីក្រុមអ្នកវិទ្យាសាស្ដ្រ បានអោយដឹងថា តំបន់ Death Valley ជាតំបន់ដែលត្រូវបានគេចាត់ទុកថា មានសីតុណ្ហភាពក្ដៅបំផុត ខណៈដែលតំបន់នេះ ធា្លប់មានសីតុណ្ហភាពឡើងដល់ ៥៨ អង្សាសេ នាពេលថ្មីៗកន្លងទៅនោះ។
យោងតាមក្រុមអ្នកស្រាវជ្រាវខាងលើដដែលបានអោយដឹងថា ពេលថ្មីៗនេះ តំបន់ដែលមានការប្រកួតប្រជែងផ្នែកកំដៅ ជាមួយតំបន់ Death Valley គឺតំបន់ El Azizia ប៉ែកខាងជើងប្រទេសលីប៊ី ពោលគឺនៅតាមបណ្ដាយដងសមុទ្រ មេឌីទែរ៉ានេ ។ ក្រុមអ្នកវិទ្យាសាស្រ្ដបានអោយដឹងទៀតថា ការដែលកំដៅកាន់តែឡើងបែបនេះ គឺមានផលប៉ះពាល់ ដល់មនុស្ស សត្វ និងដំណាំប្រជាពលរដ្ឋផងដែរ៕
ដោយ៖ នារីប្រភព៖ .guardian