កូរ៉េ ៖ បើតាមប្រភពសារព័ត៌មាន បានចេញផ្សាយនាពេលមុននេះ បានអោយដឹងថាសមាជិកនារីដែលមកពីក្រុមតារាចម្រៀងស្រី T-ara គឺនាង Soeyon បានជួបឧបទ្ទេវហេតុគ្រោះថ្នាក់ចរាចរណ៍។
លើសពីនេះទៅទៀត បើតាមរបាយការណ៍បានបញ្ជាក់អោយដឹងថា នាង Soeyon ដែលជាសមាជិកម្នាក់មកពីក្រុមតារាចម្រៀងស្រី T-ara ត្រូវបានអោយដឹងថា នាងបានជួបនឹងឧបទ្ទេវហេតុគ្រោះថ្នាក់ចរាចរណ៍ កាលពីថ្ងៃទី 13 ខែសីហា នៅវេលាម៉ោងប្រមាណជាង 5:50 នាទីព្រឹកព្រលឹម នៅតាមបណ្តោយផ្លូវ Highway Kyungbu ខណៈពេលដែលនាងបានធ្វើដំណើរនៅលើផ្លូវ Highway ឆ្ពោះទៅកាន់ទីក្រុង Busan ក្នុងការថតរឿងថ្មីរបស់នាងដែលមានចំណងជើងថា Haeundae Lover ។
គួរបញ្ជាក់ផងដែរថា ករណីគ្រោះថា្នក់ចរាចរណ៍មួយនេះ ក៏បានធ្វើអោយអ្នកដឹកនាំរបស់នាង រួមទាំងអ្នករចនាម៉ូដពីរនាក់ផ្សេងទៀត ដែលបានធ្វើដំណើរជាមួយនាងនោះ ក៏បានរងរបួសផងដែរ ដែលក្រោយមកត្រូវបានក្រុមមន្ត្រីប៉ូលីសបញ្ជូនទៅកាន់មន្ទីរពេទ្យ ដើម្បីទទួលការព្យាបាល។
ទន្ទឹមនឹងពេលនេះដែរ បើយោងតាមសម្តីរបស់ប៉ូលីសបានអោយដឹងថា មូលហេតុដែលធ្វើអោយមានគ្រោះថ្នាក់ចរាចរណ៍នេះឡើង គឺបណ្តាលមកពីផ្លូវរអិល បន្ទាប់ពីមានភ្លៀងធ្លាក់ ដែលបានធ្វើអោយនាង Soeyon បាត់បង់ភាពម្ចាស់ការក្នុងការបញ្ជាយានយន្ត ហើយក៏បានទៅបុកនឹងរថយន្តផ្សេងទៀត។
គួររំឮកផងដែរថា បើតាមប្រភពព័ត៌មានដដែលនេះ បានអោយដឹងថា នាង Soyeon មិនមានគ្រោះថា្នក់ដល់អាយុជីវិតអ្វីនោះទេ ពោលគឺនាងគ្រាន់តែរងរបួសស្រាលនៅត្រង់ ក ស្មា នឹង ខ្នងជាដើម លើសពីនេះទៅទៀត បើនិយាយពីខ្សែភាពយន្ត របស់នាងដែលកំពុងតែថត នឹងមានគំរោងចេញផ្សាយនាពេលខាងមុននេះ ក៏ត្រូវបានផ្អាកជាបណ្តោះអាសន្នផងដែរ៕
ដោយ ៖ មង្គលប្រភព ៖ soompi