អាមេរិក៖ តាមការអោយដឹងពីគេហទំព័របរទេស graph ដែលបានចុះផ្សាយកាលពីពេលថ្មីៗនេះថា មានបុរសចំណាស់ម្នាក់ ដែលជាប៉ូលីសចរាចរណ៍ បានធ្វើអោយមនុស្សជាច្រើនជាពិសេស គឺអ្នកបើកបរយានយន្ដ មានការភ្ងាក់ផ្អើលយ៉ាងខំា្លង នៅពេលដែលប៉ូលីសរូបនេះ បានរំាបទឌីស្កូ បណ្ដើរធ្វើចរាចរណ៍បណ្ដើរ។
ប្រភពដដែលបានអោយដឹង រឿងរ៉ាវដែលគួរអោយហួសចិត្ដនេះ បានកើតឡើង នៅទីក្រុងដ៏ធំមួយគឺ Rhode Island សហរដ្ឋអាមេរិក ខណៈដែលលោក Tony Lepore មានវ័យ ៦៥ឆ្នាំ បានបញ្ចេញកាយវិការដ៏រស់រវើករបស់គាត់ នៅនឹងកន្លែងធ្វើការរបស់គាត់តែម្ដង ពោលគឺនៅតាមដងផ្លួវសាធារណៈ។
មនុស្សជាច្រើនបាននិយាយថា គាត់ធ្វើបែបនេះ ប្រហែល វាជាកាដូរ សម្រាប់ថ្ងៃបុណ្យសាសនាគ្រឹស្ដខាងមុខហើយ។ សម្រាប់លោក Tony បាននិយាយថា គាត់ធ្វើបែបនេះ មិនមែនជាកាដូរអីនោះទេ។ គាត់ជាមនុស្សដែលចូលចិត្ដរាំតាំងពីក្មេង ហើយការធ្វើបែបនេះ គឺជាបច្ចេកទេសថ្មីមួយទៀត ដែលអាចជួយដាស់អារម្មណ៍មនុស្ស អោយមានការប្រុងប្រយ័ត្ន ក្នុងការបើកបរ នៅពេលពួកគេ កាន់ចង្កូតយានយន្ដ។ នេះជាវីដេអូក្លីប សូមចុចដើម្បីមើល៕
ដោយ៖ វត្ដីប្រភព៖ grahp