ព័ត៌មានអន្តរជាតិ ៖ តើលោកអ្នកធ្លាប់មានការព្រួយបារម្ភ ពីការលុកលុយចោរលួចចូលផ្ទះ ខណៈពេលដែលលោកអ្នក ចេញទៅសំរាកលំហែរ ដោយផ្ទុកផ្ទះចោលក្នុងរយៈពេលយូរដែរឬទេ? បើសិនជាមានការព្រួយបារម្ភមែននោះ មកទល់នឹងពេលនេះ លោកអ្នកពិតជាអស់កង្វល់ជាក់ជាមិនខាន ក៏ព្រោះតែសហគ្រិនវ័យក្មេង ជនជាតិស្វីស ឈ្មោះ Andras Birrer បាននឹកឃើញគំនិតមួយនោះគឺ ជួលឡានទំនើបប៉ូលីសក្លែងក្លាយ ទៅតាំងបញ្ឈរនៅពីមុខផ្ទះ។
ជាការពិត មិនត្រឹមតែមានសេវាកម្មជួលឡានប៉ូលីសទំនើបក្លែងក្លាយមួយគ្រឿងនេះ ទៅតាំងបញ្ឈរនៅពីមុខផ្ទះប៉ុណ្ណោះទេ តែលោកអ្នកក៏អាចមានឧកាស ក្នុងជួលវាយកទៅជិះផងដែរ ដោយមិនមានការព្រួយបារម្ភ ពីបញ្ហាប្រឈមដែលកើតមានឡើងពីសំណាក់ពួកក្រុមឧក្រិដ្ឋជនចេញធ្វើសកម្មភាពនោះទេ ក៏ព្រោះរថយន្តមួយគ្រឿងនេះ ម៉ាក់ Hyundai i40 បានលាបពណ៌ ក៏ដូចជាវិវត្តន៍ខ្លួនទៅជាឡានប៉ូលីសបាត់ទៅហើយ។
គួរបញ្ជាក់ផងដែរថា បើនិយាយពីតម្លៃជួលនោះវិញ គឺមានតម្លៃត្រឹមតែ ២៧០ ដុល្លារតែប៉ុណ្ណោះ នៅក្នុងមួយសប្តាហ៍ ។ តែអ្វីដែលចោទជាសំនួរនោះគឺថា តើវាពិតជាអាចបង្ការបាននូវការលុកលុយចូលផ្ទះ ពីសំណាក់ក្រុមចោរគាស់ចូលផ្ទះបានដែរឬទេ ដោយគ្រាន់តែចតឡានប៉ូលីសទំនើបក្លែងក្លាយមួយគ្រឿងនេះ ក្នុងរយៈពេលមួយអាទិត្យពេញ ដោយមិនមានសកម្មភាពអ្វីនោះ? ៕
ដោយ ៖ ពិសិដ្ឋប្រភព ៖ odd