វិធីងាយៗ បីយ៉ាង ធ្វើម៉ាសបិទមុខឱ្យស្បែកសម៉ដ្ឋ តឹងណែន រយៈពេល ១៥នាទី

សម្រស់ស្បែកមុខស្រស់ស្អាត គឺជាអ្វីដែលស់មនុស្សគ្រប់រូប ប្រាថ្នាចង់បាន ដើម្បីបង្ហាញពីភាពទាក់ទាញ ការចាប់អារម្មណ៍ពីមនុស្សនៅជុំវិញខ្លួន។ ភាពសម្រស់ស្រស់ស្អាតនេះ អាចបានមកកត្តាពីរយ៉ាងគឺ៖ សម្រស់ពីធម្មជាត និង សម្រស់កែច្នៃពីផលិតផលគីមីផ្សេងៗ។

ខាងក្រោមនេះ គឺជាវិធីធ្វើម៉ាស់បិទមុខ ដោយប្រើគ្រឿងផ្សំ ងាយៗ  អាចជួយឱ្យសម្រស់ស្បែកមុខរបស់អ្នក សភ្លឺ រលោង ក្នុងរយៈពេលដ៏ខ្លី ដោយធម្មជាតិ។

១/ យកប៉េងប៉ោះ និង ម្សៅក្រាម៖  យកម្សៅក្រាម ២ស្លាបព្រាកាហ្វេ លាយជាមួយនឹងទឹកប៉េងប៉ោង ២ ទៅ ៣ស្លាព្រាកាហ្វេ  កូរចូលគា្នឱ្យសព្វ។ បន្ទាប់មក  យកមកលាប  នៅលើស្បែកមុខនិង ក ទុករយៈពេល ១៥នាទី  រួចលាងសំអាតទឹកចេញ។ សូមបញ្ជាក់ថា៖ ម្សៅក្រម  អាចរកទិញបាននៅតាមផ្សារ និង ផ្សារទំនើប។

២/ យកម្សៅរមៀត មួយស្លាបព្រាកាហ្វេ លាយជាមួយនឹងទឹកក្រូចឆ្មារ បីស្លាបព្រាបាយឱ្យសព្វ ដើម្បីធ្វើជាម៉ាស់បិទមុខមួយ។ បន្ទាប់មក យកមកបិទនៅលើមុខទុករយៈពេល15នាទី រួចលាងសំអាតមុខចេញនឹងទឹកក្តៅឧណ្ឌៗជាការស្រេច។ សូមបញ្ជាក់ថា៖ម្សៅរមៀតអាចរកទិញបាននៅតាមផ្សារ និង ផ្សារទំនើប។

៣/ យកស៊ុតមាន់មួយគ្រាប់វាយបំបែកយកតែផ្នែកពណ៌សទុក រួចយកមក លាបលើស្បែកមុខនៅពេលដែលវាស្ងួតសូមលាងសំអាតមុខចេញជាមួយនឹងទឹកក្តៅឧណ្ឌៗ។ ធ្វើបែបនេះជួយឱ្យស្បែកមុខរបស់អ្នកតឹងណែនម៉ដ្ឋនិងភ្លឺរលោងដូចធម្មជាតិ។ សូមបញ្ជាក់ថា៖ សូមកុំយកម៉ាស់បិទមុខនេះ មកបិទនៅត្រង់កន្លែងស្បែកខូច)៕