ប្លែកៗ ៖ ដើរលេងដាច់យប់ រយៈពេលពីរអាទិត្យ បែកគំនិតធ្វើជាត្រូវបានជនអន្ធពាលចាប់ជំរិត ក៏ព្រោះខ្លាចមិត្តស្រីខឹងខ្លាំង នេះបើតាមការអោយដឹងពីទំព័រសារព័ត៌មានប្លែកបរទេស spy ដែលទើបតែបានចេញផ្សាយកាលពីម្សិលមិញនេះ ។
គួរបញ្ជាក់ផងដែរថា បុរសកំហូចរូបនោះមានឈ្មោះថា Rahmell Pettway បានបែកគំនិតក្នុងការធ្វើបែបនេះ បន្ទាប់ពីខ្លួនបានដើរដាច់យប់ដល់ទៅ ពីរអាទិត្យជាប់ៗគ្នា ស្របពេលដែលខ្លួនខ្ជិលនឹងបកស្រាយមូលហេតុពិត ដែលអាចនាំអោយមិត្តស្រីខឹងខ្លាំងជាក់ជាមិនខាន។
ហើយកាលដែលធ្វើជាចាប់ជំរិតក្លែងក្លាយនោះគឺថា ដោយគេធ្វើជាចំណាប់ខ្មាំងនៅលើផ្លូវបន្ទាប់ពីមានការចងដៃ និងចុកមាត់ជាដើម រួចកាលដែលប៉ូលីសបានឃើញហើយនោះខ្លួនក៏បានបញ្ជាក់អះអាងថា គេត្រូវបានបុរសពីររូបចាប់ជំរិត។
បន្ទាប់ពីមានការស៊ើបអង្តេត ទើបរកអោយឃើញថា តាមពិតទៅបុរសរូបនោះ ផ្តល់ព័ត៌មានមិនពិតនោះទេ ខណៈពេលដែលគេធ្វើពុតជាត្រូវបានចាប់ជំរិត ។ ជាលទ្ធផល បុរសរូបនេះត្រូវបានចាប់ខ្លួនជាបណ្តោះអាសន្ន ពីបទផ្តល់ព័ត៌មានមិនពិត មុននឹងធ្វើការដោះលែងបន្ទាប់ពីមានការអប់រំរួច៕
ដោយ ៖ ពិសិដ្ឋប្រភព ៖ spy