មិនគួរអោយជឿ ៖ បើយោងតាមប្រភពសារព័ត៌មានប្លែកបរទេស huffingtonpost ដែលទើបតែបានចេញផ្សាយអត្ថបទខ្លួនកាលពីចុងខែមីនាកន្លងទៅនេះ អោយដឹងថា ស្រ្តីម្នាក់ត្រូវបានរកអោយឃើញថា មានភាពភ័យរន្ធត់ជាខ្លាំង ខណៈពេលដែលនាងបើកឡានសុខៗ ស្រាប់តែរកឃើញពស់មួយក្បាល នៅក្រោមជើងរបស់នាង ភ្លាមៗនោះ នាងក៏បានប្តឹងភ្នាក់ងារមានសមត្តកិច្ច។
គួរបញ្ជាក់ផងដែរថា ករណីដ៏គួរអោយរន្ធត់ខាងលើនេះ បានកើតឡើងទៅលើស្រ្តីម្នាក់ឈ្មោះAngie Guerrero វ័យ ៤៤ ឆ្នាំ ជាពលរដ្ឋមកពីរដ្ឋ កាលីហ្វរញ៉ា សហរដ្ឋអាមេរិក ។ ទន្ទឹមនឹងការមានអារម្មណ៍ភ័យខ្លាច ប៊ិះនឹងបុកឡានផ្សេងទៀត ដែលបានធ្វើដំណើរនៅលើដងផ្លូវរួមគ្នានោះ លោកស្រីក៏បានប្រឹងទប់អារម្មណ៍ ដោយបញ្ឈប់ឡាន និងនាំយកឆ្កែពីរក្បាលរត់គេចចេញពីក្នុងឡានមួយរំពេច ដែលក្រោយមក ក៏បានទូរស័ព្ទប្តឹងភ្នាក់ងារក្រុមមន្រ្តីប៉ូលីសមានសមត្តកិច្ច។
ភ្លាមៗនោះ ក៏មានការអន្តរាគមន៍ពីសំណាក់ក្រុមមន្តី្រជំនាញ ដោយធ្វើការចាប់ពស់មួយក្បាលនោះ ស្របពេលដែលមានការបញ្ជាក់អះអាងផងដែរថា ពស់ប្រភេទនេះ វាមិនមានពិសនោះទេ។ខាងក្រោមនេះជាវីដេអូ តាមដានទស្សនាវីដេអូឃ្លីបខ្លីខាងក្រោមនេះបន្តិចទៅ៖
ដោយ ៖ ពិសីប្រភព ៖ huffingtonpost