តារា ៖ ស្ថានីយ៍ទូរទស្សន៍ចិន TVB ផ្តល់ប្រាក់រង្វាន់លើកទឹកចិត្ត នាង Tracy Chu ក្នុងការសហការជាមួយនឹងតារាសម្តែងប្រុសគឺលោក Andy Lau ក្នុងការថតខ្សែភាពយន្តថ្មីរបស់ខ្លួន ។
បើយោងតាមរបាយការណ៍ បានបញ្ជាក់អោយដឹងផងដែរថា នាង Tracy Chu នាពេលកន្លងផុតទៅថ្មីៗនេះ នាងបានទទួលនូវសមិទ្ធផលជោគជ័យថ្មីមួយ ក្នុងការឈានជើងចូលទៅប្រឡូកក្នុងវិស័យសិល្បៈដោយនាងបានទទួលពានរង្វាន់ជាម្ចាស់ជ័យលាភីលេខបី បវរកញ្ញាឯកហុងកុង ឆ្នាំ ២០១២។
គួរបញ្ជាក់ផងដែរថា ខណៈពេលដែលនាងកំពុងតែទទួលពានរង្វាន់ជាម្ចាស់ជ័យលាភីលេខបី ប្រចាំកម្មវិធីប្រកួតបវរកញ្ញាឯកមួយនេះ នាងក៏បានឆ្លៀតឧកាស ផ្តល់នូវកិច្ចសម្ភាសន៍ទៅដល់ភ្នាក់ងារសារព័ត៌មានផងដែរ ដោយបានបញ្ជាក់ថា ៖ ខ្ញុំពិតជាមានអារម្មណ៍រំភើប នឹងសប្យាយរីករាយមែនទែន បើទោះ ជានាងខ្ញុំជាប់ចំណាត់ថ្នាក់លេខបីក៏ដោយ ហើយក៏សូមធ្វើការថ្លែងអំណរគុណដល់បណ្តាអ្នកគាំទ្ររូបនាងខ្ញុំកន្លងមក។
លើសពីនេះទៅទៀត បេក្ខនារីដែលជាប់ចំណាត់ថ្នាក់លេខបីរូបនេះ បានបន្ថែមថា នាងមិនទាន់ច្បាស់នៅឡើយទេ ថាតើ ព័ត៌មានដែលលេចឮនេះ ជាការពិតឬយ៉ាងណា ? តែប្រសិនបើវាជាការពិតមែននោះ នាងពិតជាមានអារម្មណ៍ថា ពិតជាសប្បាយចិត្តមែនទែន ខណៈពេលដែលនាងមានឧកាសក្នុងការចូលរួមសម្តែងនៅក្នុងស្ថានីយ៍ទូរទស្សន៍ TVB ក៏ដូចជា សហការចួលរួមសម្តែងជាមួយនឹងលោក Andy Lau ដែលជាកំពូលតារាសម្តែងប្រុសដ៏ល្បី ប្រចាំស្តានីយ៍ទូរទស្សន៍មួយនេះ ៕
ដោយ ៖ ពិសីប្រភព ៖ asiancrunch