មិនគួរអោយជឿ ៖ ទីភ្នាក់ងារសារព័ត៌មានប្លែកបរទេស spy បានចេញផ្សាយអោយដឹងថានៅឯប្រទេសជប៉ុនឯណោះវិញ ពិតជាចម្លែកហួស ជាមួយនឹងសិល្បៈនៃការម៉ាស្សាមុខដ៏ចម្លែក ស្ទើរតែមិនធ្លាប់ជួបប្រទះ នោះគឺ ការម៉ាស្សាមុខ ដោយប្រើសត្វខ្យង 'snail facials'
គួរបញ្ជាក់ផងដែរថា សេវាកម្មម៉ាស្សាមុខមួយនេះ នឹងត្រូវបានធ្វើឡើងជាពិសេសសំរាប់អតិថិជនរូបណា ដែលចង់សំអាតផ្ទៃមុខជាំខ្មៅ ក៏ដូចជាសំអាត និងផ្ចិតរន្ធញើសផ្ទៃមុខ។
យ៉ាងណាមិញ បើយោងតាមសម្តីលោកManami Takamura ជាអ្នកបម្រើការអោយហាងថែរក្សាសម្ភស្សមួយរបស់ប្រទេសជប៉ុនមានយីហោ beauty salon Ci:z.Labo អោយដឹងថា ជាការពិត សារធាតុរំអិលៗ ដែលចេញមកពីសត្វខ្យង ពិតជាប្រសិទ្ធភាពខ្ពស់ក្នុងការប្រឆាំងទៅនឹងការវិវត្តន៍ទៅរកភាពវ័យចំណាស់ របស់ស្បែកមុខ។
គួរបញ្ជាក់ផងដែរថា សេវាកម្មម៉ាស្សាមុខ ដោយសត្វខ្យងមួយនេះ ត្រូវបានគេធ្វើឡើងក្នុងរយៈពេល ៦០ នាទី ដែលនៅក្នុងនោះ ក្នុងមួយដងៗ មានតម្លៃ ២៤៣ ដុល្លារ ទន្ទឹមនឹងនេះ បើយោងតាមសម្តីអតិថិជនម្នាក់ ឈ្មោះ Sayaka Ito អោយដឹងថា ដើមឡើយ កាលដែលទទួលយកសេវាកម្មម៉ាស្សាមួយនេះ ពិតជាមានភាពភ្ញាក់ផ្អើលជាខ្លាំងក៏ប៉ុន្តែអំឡុងពេលនៃការម៉ាស្សា ពោលគឺ សត្វខ្យងវានៅលើមុខនោះ លោកអ្នកពិតជាមានអារម្មណ៍សុខស្រួលជាខ្លាំង ស្របពេលដែលមុខរបស់លោកអ្នកពិតជាស្រស់ថ្លា និងទន់ល្មើយ បន្ទាប់ពីទទួលយកសេវាកម្មមួយនេះ ។ ខាងក្រោមនេះ គឺជាវីដេអូ ជ្រាបកាន់តែច្បាស់ តាមដានទស្សនាបន្តិចទៅ ៖
ដោយ ៖ ពិសីប្រភព ៖ spy