នាពេលថ្មីៗ នេះ Jusitn Bieber នឹង Selena Gomez បានលេចឭពាក្យចចាមអារាម ដែលថាទំនាក់ទំនងរបស់ពួកគេ មានភាពរកាំរកូសនឹងគ្នា តែអ្វីដែលជាការនិយាយតៗគ្នានេះ ត្រូវបានកន្លងផុតទៅ កាល 2 ទៅ 3 សប្តាហ៍មុននេះ ប៉ុន្តែអ្វីដែលជាភាពភ្ញាក់ផ្អើលនោះគឺថា តារាចម្រៀង Rap គឺលោក Timbaland នាពេលថ្មីៗនេះ បែរជាបង្ហើបប្រាប់នូវគំរោងរៀបការរបស់ Justin ជាមួយនឹង Selena ទៅវិញ។
តារាចម្រៀង Rap រូបនេះបានបង្ហើបប្រាប់ដល់ភ្នាក់ងារសារព័ត៌មាន E! Online ថា គាត់បានមានគំរោងនឹងទៅច្រៀង ក៏ដូចជាធ្វើការសម្តែងនៅក្នុងកម្មវិធីរៀបការរបស់ Justin ដែលគេនឹងធ្វើការរៀបការជាមួយនឹង Selena Gomez ជាក់ជាមិនខាន។
គួររំឮកផងដែរថា តារាចម្រៀង Rap រូបនេះគឺលោក Timbaland ខួរក្បាលរបស់លោកពោរពេញទៅដោយកម្មវិធីរៀបអាពាហ៍ពិពាហ៍ ក៏ដោយសារតែលោកទើបតែ ចូលរួមកម្មវិធីភ្ជាប់ពាក្យរបស់ប្អូនប្រុសលោកផ្ទាល់គឺលោក Justin Timberlake ភ្ជាប់ពាក្យជាមួយនឹង Jessica Biel ។
តែអ្វីដែលជាការដែលលើកឡើងក៏ដូចជាបង្ហើបប្រាប់ថា Justin នឹងធ្វើការរៀបការជាមួយ Selena Gomez នោះមិនទាន់ ច្បាស់ការណ៍នៅឡើយទេ យ៉ាងណាៗនោះ មានតែនាំគ្នាតាមដានប្រភពសារព័ត៌មានដែលធ្វើការតាមដានយ៉ាងកៀកកិតជុំវិញទំនាក់ទំនងស្នេហាមួយគូរនេះ៕
ដោយ ៖ រិទ្ធីប្រភព ៖ entertainmentwise