កាលពីប៉ុន្មានជាង ១ ខែមុន បញ្ហាស្នេហាអំពិលអំពែកនោះគឺមាន ២ គូ ក្នុងនោះ គូទី ១ គឺរវាងនាងTaylor Swift និង Harry Style គូទី ២ នោះគឺរវាង Justin Bieber និង Selena Gomez ប៉ុន្តែមកដល់ពេលនេះគូស្នេហាអំពិលអំពែក គឺនៅសល់តែមួយគូប៉ុណ្ណោះគឺ Justin Bieber និង Selena Gomezដែលឃើញម្ដងនៅក្បែរគ្នា ម្ដងបែកគ្នា។
កាលពីពេលថ្មីៗនេះនាង Selena Gomez ត្រូវបានគេឃើញរាក់ទាក់ជាមួយនឹង Ronan Farrow ជាមេធាវីវ័យក្មេង ២៥ ឆ្នាំនិងជាទូតរបស់ UNICEF ទៀតផង នៅក្នុងភោជនីយដ្ឋានមួយ ដែលគេបានបង្ហោះរូបថតតាមរយៈទំព័រ ទ្វីតទ័រ របស់គេដោយមានរូបថតរបស់ Selena ព្យាយាមថើបគេទៀតផង។
ភ្លាមៗនោះ Justin ហាក់ដូចជាមានប្រតិកម្មចំពោះរូបថតនោះដោយបាន ទ្វីត ចេញនូវ Status មួយដែលសរសេរថា Be a king, treat a woman like a queen ហើយមានភ្ជាប់តំណរទៅកាន់រូបរបស់Ronan Farrow ទៀតផង។ តើគេអាចនឹងឃើញ Justin សាងសងជាមួយ Selena ដូចកាលពីប៉ុន្មានថ្ងៃមុនទៀតឬទេ ឬមួយក៏គេនឹងត្រូវបានឃើញ Selena Gomez ដើរជាមួយ Ronan Farrow ម្ដង?
ដោយ៖ ម៉ូកាប្រភពពី៖ K14