សៀងហៃ៖ តាមការអោយដឹងពីគេហទំព័រ newsday ដែលបានចុះផ្សាយ កាលពីពេលថ្មីៗនេះថា ក្នុងទីក្រុងសៀងហៃឯណ្ណោះវិញ ក្រុមការងារផ្នែកវិស្វកររបស់លោក Thomas និងមិត្ដភ័ក្ររបស់គាត់ផ្សែងទៀត ត្រូវបានសៀវភៅ Guinness World Record កាត់ត្រាទុកជាប្រតិ្ដសាស្រ្ដ ខណៈដែលក្រុមការងារគាត់ បានធ្វើនូវផ្លូវរទេះភ្លើងអំពីជ័រប្លាស្ទិក បានវែងបំផុតក្នុងពិភពលោក។
លោក Thomas បាននិយាយថា ផ្លូវរទេះភ្លើងនេះ ត្រូវបានសាងសង់ឡើងអស់រយៈពេលជាច្រើនខែ ដោយមានមនុស្សជាច្រើននាក់បានចូលរួម។ ជាមួយនឹងប្រវែងប្រមាណជា ២.៨៨៨គីឡូម៉ែត្រ ចំនួនជ័រប្លាស្ទិកចំនួន ១៣,៧៦៩ ដុំ វាត្រូវបានក្លាយទៅជាសម្មទ្ធិផលដ៏កម្រមួយ មុនបំណាច់ឆ្នាំ ២០១២នេះ។
ជាទីបញ្ចប់ គាត់ក៏បានអំណរគុណ ដល់ក្រុមការងារគាត់ ក៏ដូចជាមិត្ដភ័ក្រទាំងអស់ ដែលបានយកចិត្ដទុកដាក់ និងការចំណាយពេលដ៏មានតម្លៃ មកចូលរួមក្នុងបង្កើតសម្មទ្ធិផលរូមមួយនេះដើម្បីបានក្លាយទៅជាគុណប្រយោជន៍សម្រាប់ពិភពលោកបែបនេះ។ នេះជាវីដេអូក្លីប សូមចុចដើម្បីមើល៕
ដោយ៖ វត្ដីប្រភព៖ newsday