តារាបរទេស ៖ តារាចម្រៀងប្រុសទោល ល្បីឈ្មោះប្រចាំប្រទេសកូរ៉េខាងត្បូង Rain នាពេលថ្មីៗនេះត្រូវបានរកអោយឃើញថា លោកត្រូវបានសភាជាតិចោទប្តឹង នេះបើយោងតាមរបាយការណ៍ដែលបានចេញផ្សាយដោយគេហទំព័រសារព័ត៌មានកំសាន្តបរទេស។
គួរបញ្ជាក់ផងដែរថា ការចោទប្តឹងនេះត្រូវបានធ្វើឡើងបន្ទាប់ពីរកអោយឃើញថា Rain បានទទួលការព្យាបាលជាពិសេស ក្នុងអំឡុងបំពេញបេសកម្មជាកងទ័ព មិនត្រឹមតែប៉ុណ្ណោះ ក៏បានរកឃើញនូវសកម្មភាពអសកម្មមួយចំនួនផ្សេងទៀត ដែលនៅក្នុងនោះរួមមានដូចជា ៖ ការគេចវេសពីការងារចំនួន ៥ ថ្ងៃ , ការឈប់សំរាកជាពិសេសរយៈពេល ៥ ថ្ងៃ , ការចាកចេញពីមូលដ្ឋានទ័ព ពេញមួយយប់ជាផ្លូវការ ចំនួន ១០ ដង នឹង មិនផ្លូវការ ៣៤ ដង ជារួមគេបានឈប់សម្រាកច្រើនជាងកងទ័ពផ្សេងៗទៀត ដល់ទៅ ២២ ដង។
លើសពីនេះទៅទៀត បើយោងតាមរបាយកាណ៍ដដែល ក៏បានបញ្ជាក់បន្ថែមអោយដឹងផងដែរថា កាលពីកន្លងមក អ្នកដែលបានអនុញ្ញាតអោយតារាចម្រៀងប្រុសរូបនេះ ចេញក្រៅក្នុងអំឡុងពេលបំពេញភារកិច្ចនោះ គឺសមាជិកដែលមកពីកងទ័ពកូរ៉េខាងត្បូង PR Support Team ដែលក្រោយមកក៏មានការព្រមានក៏ដូចជា មានការរិះគន់ផងដែរ៕
ដោយ ៖ រិទ្ធីប្រភព ៖ jpopasia