បើតាមប្រភពសារព័ត៌មានរបស់ចក្រភពអង់គ្លេស គឺគេហទំព័រសារព័ត៌មាន The Daily-mail បានចេញផ្សាយនាពេលកន្លងទៅបានអោយដឹងថា មានហេតុការណ៍ដ៏រន្ធត់មួយបានកើតឡើង នៅឯប្រទេសកាណាដា ពោលគឺ មានរន្ទះបាញ់អគារទៅលើអាគារ CN Tower ជាអគារខ្ពស់ដ៏ល្បីនៅទីក្រុង Toronto ។
គួរបញ្ជាក់ផងដែរថា អាគារ CN Tower បានឈរសំកាំងខ្លួននៅក្នុងទីក្រុងមួយនេះ ហើយវាត្រូវបានអោយទទួលស្គាល់ផងដែរថា ជាស្នាដៃល្អវិចិត្រ នៃបញ្ចឹមប្រទេស។ ដោយឡែក បើតាមប្រភពសារព័ត៌មានដដែលក៏បានបញ្ជាក់បន្ថែមផងដែរថា ៖ អគារនេះត្រូវរន្ទះបាញ់ចំនួន 6 លើកក្នុងរយៈពេលកន្លះម៉ោង ក្រោយពីកើតមានព្យុះ និងភ្លៀងធ្លាក់ក្នុងទីក្រុង ។
លើសពីនេះទៅទៀត បើយោងតាមរបាយការណ៍បានអោយដឹងថា អគារ CN Tower មានកម្ពស់ជាង 544,5 ម៉ែត្រ និង ទាក់ទាញភ្ញៀវទេសចរណ៍ ជាង២លាននាក់ជារៀងរាល់ឆ្នាំ ។ ជាក់ស្តែងកាលពីឆ្នាំ 2005 សមាគមពលរដ្ឋអាមេរិក បានប្រកាសអោយអគារនោះ ជាផ្នែកមួយក្នុងចំណោមអច្ឆរិយៈវត្ថុ នៅលើពិភពលោកក្នុងយុគសម័យថ្មី និង ជាប់ចំណាត់ថ្នាក់ទី 2 នៃសហព័ន្ធអគារដ៏អស្ចារ្យលើពិភពលោក ៕
ដោយ ៖ រិទ្ធីប្រភព ៖ dailymail