ចិន ៖ តាមការអោយដឹងពីគេហទំព័រ newsday ដែលបានចុះផ្សាយកាលពីពេលថ្មីៗនេះថា បុរសចិត្ដឆេវឆាវម្នាក់ បានបង្កអោយមានការភ្ងាក់ផ្អើលយ៉ាងខំាំ្លងមួយ ដល់ក្រុមភ្ងៀវទេសចរណ៍ និងក្រុមសន្ដិសុខ ក្នុងព្រលានយន្ដហោះផងដែរ ខណៈដែលបុរសនោះហ៊ានវាយទូរកុំព្យូរទ័ររបស់បុគ្គលិក ក្នុងព្រលានយន្ដហោះ និងស្រែកខំា្លងៗ ដាក់គេឯង។
ប្រភពដដែលបានអោយដឹងថា បុរសដែលហ៊ានបង្ក និងអុកឡុក ដល់ក្រុមអ្នកធ្វើការ ក្នុងព្រលានយន្ដហោះនោះ គឺមានឈ្មោះ Yan Linkun ដែលជាមន្រ្ដីរដ្ឋាភិបាលចិន។ ក្រុមអ្នកធ្វើការផ្នែកត្រួតពិនិត្យសំបុត្រ ជើងហោះហើរផ្លូវអាកាស បានអោយដឹងថា លោក Yan ព្រមទាំងគ្រួសារគាត់ ប៉ុន្មាននាក់ទៀត បានកើតកំហឹងភ្លាមៗ គ្រាន់តែលឺថា ជើងយន្ដហោះហើរ របស់គាត់ ត្រូវបានចេញដំណើរមុននេះបន្ដិច។
ទោះបីជាយ៉ាងណាក៏ដោយ គេមិនបានឃើញក្រុមសន្ដិសុខ ជួយអន្ដារាគមន៍ឬមានវិធានការទប់ស្កាត់ ទៅលើជនអគតិនោះទេ គឺក្រុមសន្ដិសុខ បានត្រឹមតែឈមើល បុរសដែលពោពេញដោយកំហឹងនោះ បោក និងវាយកម្ទេចចោលរបស់របរនៅកន្លែងធ្វើរបស់ ក្រុមអ្នកត្រួតពិនិត្យសំបុត្រយន្ដហោះប៉ុណ្ណោះ។
គួរបញ្ចាក់ផងដែរថា រឿងរ៉ាងដែលមើលទៅ មានការហូសចិត្ដនេះ ត្រូវបានកើតឡើង ក្នុងព្រលានយន្ដហោះ Changshui ខេត្ដយូណាន ប្រទេសចិន។ ជាមួយគ្នានេះដែរគេនឹងធ្វើការណែនាំ និងដាក់ទោសលោក Yan តាមផ្លូវច្បាប់យ៉ាងណានោះ គឺនៅមិនទាន់ដឹងនូវឡើយទេ។ នេះជាវីដេអូក្លីប សូមចុចដើម្បីមើល៕
ដោយ៖ ណារិន្ទ ប្រភព៖ newsday