តារាបរទេស ៖ គេហទំព័រសារព័ត៌កំសាន្តបរទេស Europe បានចេញផ្សាយកាលពីម្សិលមិញនេះបានបញ្ជាក់អោយដឹងថា តារាចម្រៀង ក៏ដូចជាតារាសម្តែងស្រី នាង VanessaParadis កំពុងតែមានទំនាក់ទំនងស្នេហាជាមួយនឹងសេដ្ឋីជនជាតិបារាំងម្នាក់។
គួរបញ្ជាក់ផងដែរថា តារាចម្រៀងស្រី ក៏ដូចជាតារាសម្តែងស្រី ជនជាតិបារាំងរូបនេះ ទើបតែធ្វើការលែងលះជាមួយនឹងស្វាមីរបស់នាង កាលពីអំឡុងខែមិថុនា ដោយបានបន្សល់ទុកកូនៗពីររូប ជាចំនងដៃទំនាក់ទំនងស្នេហារបស់ពួកគេ ដែលមានរយៈពេលជាង ១៤ ឆ្នាំចុងក្រោយនេះ។
លើសពីនេះទៅទៀត បើយោងតាមរបាយការណ៍ដដែលបានបន្ថែមអោយដឹងផងដែរថា ក្រោយមកមិនយូរប៉ុន្មាន នាងក៏មានទំនាក់ទំនងស្នេហាជាមួយនឹងសេដ្ឋីបារាំងម្នាក់ផ្សេងទៀត ដែលមានឈ្មោះថា Guy-David Gharbi បន្ទាប់ពីពួកគេបានជួបគ្នាលើកដំបូង នៅលើយន្តហោះ ដែលធ្វើដំណើរពីទីក្រុងLos Angeles ទៅទីក្រុង Paris កាលពីអំឡុងខែឧសភា កន្លងទៅ៕
ដោយ ៖ ពិសីប្រភព ៖ europe