ព័ត៌មានកំសាន្ត ៖ បើតាមការអោយដឹងពីរបាយការណ៍ ដែលបានចេញផ្សាយដោយគេហទំព័រសារព័ត៌មានបរទេស បានបញ្ជាក់ថា តារាសម្តែងស្រី នាង Angelina Jolie មានមោទនភាពក្នុងការបំពេញការងារមនុស្សធម៌។
នាង Angelina Jolie នឹងរដ្ឋមន្រ្តីក្រសួងការបរទេសអ៊ីរ៉ាក់ លោក Hoshyar Zebari
គួរបញ្ជាក់ផងដែរថា កាលពីថ្ងៃទី ១៥ ខែកញ្ញា ឆ្នាំ ២០១២ កន្លងផុតទៅថ្មីៗនេះ នាង Angelina Jolie ដែលជាតារាសម្តែងស្រី ទទួលបានពានរង្វាន់ Oscar ក៏ដូចជា ជាឯកអគ្គរាជទូតតំណាងអោយសហររដ្ឋអាមេរិក បានចុះជួបផ្ទាល់ជាមួយនឹង រដ្ឋមន្រ្តីក្រសួងការបរទេសអ៊ីរ៉ាក់ Hoshyar Zebari នៅទីក្រុងបាដាដ ប្រទេសនេះ។
លើសពីនេះទៅទៀត របាយការណ៍ដដែលក៏បានបញ្ជាក់បន្ថែមផងដែរថា នាង Angelina Jolie ក៏បានចុះសួរសុខទុក្ខបងប្អូនដែលជាជនភៀសខ្លួនស៊ីរី នៅក្នុងប្រទេសហ្សូដ ង់ នឹង ប្រទេសលីបង់ ស្របពេលដែលនាងបាននិយាយបញ្ជាក់ថា ខ្ញុំសូមចូលរួមសម្តែងនូវកត្តញ្ញូតាធម៌ ក៏ដូចជាការដឹងគុណដល់ប្រទេសជិតខាងទាំងពីរនេះ ខណៈពេលដែលជួយជ្រុំជ្រែងដល់បណ្តាជនភៀសខ្លួនស៊ីរីទាំងអស់ ស្របពេលដែលប្រទេសនេះបានជួបនូវសង្រ្គាមស៊ីវិលហែកហួរយ៉ាងខ្លាំង នឹងបានបន្តសម្លាប់ជីវិតមនុស្សរាបពាន់នាក់ផ្សេងទៀត។
Angelina Jolie សម្រក់ទឹកភ្នែក ខណៈពេលចុះទៅផ្ទាល់ទៅនឹងជំរុំជនភៀសខ្លួនស៊ីរី
ទន្ទឹមនឹងការលើកឡើងបែបនេះ នាង Angelina Jolie ត្រូវបានរកអោយឃើញថា នាងបានសម្រក់ទឹកភ្នែក ខណៈពេលដែលបានចុះទៅផ្ទាល់ទៅនឹងជំរុំជនភៀសខ្លួនស៊ីរី ស្របពេលដែលនាងបានឃើញពីទុក្ខលំបាក ទុក្ខវេទនាដែលពួកគេកំពុងតែជួបប្រទះ៕
ដោយ ៖ រិទ្ធីប្រភព ៖ europe