ភ្នំពេញៈ កន្លងមកទស្សនិកជនធ្លាប់ បានឃើញវត្តមានអតីតពិធីការិនី ពេជ្រ សេរីរ័ត្ន បានរំលេចរូបថតជាច្រើនសន្លឹក ស្តែងឲ្យឃើញពីសកម្មភាព ហាត់រៀនបាញ់កាំភ្លើងខ្លី ធ្វើឲ្យទស្សនិកជនជាច្រើនគិតថា គ្រាន់តែជាស្ទីល ដើម្បីទាមទារការចាប់អារម្មណ៍ របស់នាង នៅលើបណ្តាញ ទំនាក់ទំនងសង្គម Facebook តែប៉ុណ្ណោះ ។
ប៉ុន្តែនេះមិនមែនជាលើកទី១ទេ ដែលអតីតតារាស្រីមានឈ្មោះ បោះសំឡេង កញ្ញា ពេជ្រ សិរីរ័ត្ន បង្ហោះរូបថតជាច្រើនសន្លឹក នៅលើបណ្តាញ ទំនាក់ទំនងសង្គម ជាសាធារណៈ ។ ពេលនេះនាងក៏បានសម្ញែងរូបថតជាច្រើនសន្លឹកទៀត បង្ហាញពីការហាត់រៀនបាញ់កាំភ្លើង ថ្មីមួយទៀត មានឈ្មោះថា ស្នាយភើ ខុសពីលើកមុន ដែលនាងធ្លាប់រៀនបាញ់ត្រឹម តែកាំភ្លើងខ្លីធម្មតា។
ពាក់ព័ន្ធនឹងការបង្ហោះរូបថត និងសកម្មភាពក្នុងការហាត់រៀន បាញ់កាំភ្លើងម្តងជាពីរដងនេះ គេមិនបានដឹងពីមូលហេតុច្បាស់លាស់របស់នាងទេថា ហេតុអីបានជាសុខៗ នាងបង្ហាញរូបបែបនេះ និងចំណាយពេលវេលា ក្នុងការទៅហាត់រៀនបាញ់ កាំភ្លើងបែបនេះ? តើនៅក្នុងនោះ មានបង្កប់អត្ថន័យ និងមានមូលហេតុអ្វី បានជាពិធីការិនីរូបស្រស់សោភា ធ្លាប់តែមានចរិកទន់ភ្លន់ បែរជា ផ្លាស់ប្តូរខ្លួន មកធ្វើជានារីក្លាហាន ហ៊ានកាន់កាំភ្លើងតម្រង់ ទិសបាញ់ទៅផ្ទាំងស៊ីប យ៉ាងសង្ហាបែបនេះឡើយ ៕
ដោយ៖ LookingTODAYផ្តល់សិទ្ធិដោយ៖ ដើមអំពិល