មិនគួរអោយជឿ តែវាជារឿងហេតុមួយដែលនឹកស្មានមិនដល់នឹងលាន់មាត់ថា គេពិតជាមានសំណាងមែន ៖ បើតាមប្រភពសារព័ត៌មាន Asiaone ដែលបានចេញផ្សាយនាប៉ុន្មានម៉ោងមុននេះ បានអោយដឹងថា មានក្មេងប្រុសវ័យ 4 ឆ្នាំម្នាក់ បានធ្លាក់ចុះពីជាន់ទី 19 តែនៅមានជីវិត។
បើតាមរបាយការណ៍ បានបញ្ជាក់អោយដឹងថា រឿងឧបទ្ទេវហេតុនេះ បានកើតឡើងទៅលើក្មេងប្រុសវ័យ 4 ឆ្នាំម្នាក់នៅឯទីក្រុង Huizhou នាខេត្ត Guangdong ប្រទេសចិន ពោលគឺក្មេងប្រុសនោះបានធ្លាក់ចុះពីអាគារជាន់ទី 19 តែបែរជាមិនស្លាប់ទៅវិញ ហើយមូលហេតុចម្បង ដែលមិនបានបណ្តាលអោយក្មេងប្រុសនោះស្លាប់ គឺថា គេធ្លាក់ចុះមកចំស្រះ។
គួរបញ្ជាក់ផងដែរថា ក្រោយពីមានការធ្លាក់ចុះពីអាគារជាន់ទី 19 ចូលទៅក្នុងស្រះ បើតាមរបាយការណ៍បានអោយដឹងថា ក្មេងប្រុសនោះមានសភាពធម្មតា ពោលគឺ គេបានឡើងទៅជាន់ទី 19 នោះវិញដើម្បីរកម៉ាក់របស់គេ។ ដោយឡែក នាពេលនេះបើយោងតាមសម្តីរបស់លោកវេជ្ជបណ្ឌិតបានអោយដឹងថា គេកំពុងតែសម្រាកនៅឯមន្ទីរ ដើម្បីធ្វើការតាមដាន ថាតើ គេមានរបួសគ្រាំក្នុងឬយ៉ាងណា ៕
ដោយ ៖ ពិសិដ្ឋប្រភព ៖ Asiaone