តារាបរទេស ៖ បើតាមការអោយដឹងពីគេហទំព័រកំសាន្តបរទេស បានអោយដឹងថា Rihanna បានដើរតួយ៉ាងសំខាន់ក្នុងការបិទបញ្ចប់កម្មវិធីប្រកួតកីឡាប៉ារ៉ាឡាំពិក ពោលគឺ នាងបានសំដែងជាមួយនឹង ក្រុមតារាចម្រៀងប្រុស Coldplay នាឧកាសបិទបញ្ចប់កម្មវិធីប្រកួតកីឡា មួយនោះ ។
លើសពីនេះទៅទៀ ត បើតាមរបាយការណ៍ដដែលបានបន្ថែមអោយដឹងផងដែរថា កាលពីយប់ថ្ងៃអាទិត្យម្សិលមិញនេះ នាង Rihanna បានធ្វើអោយកម្មវិធីបិទបញ្ចប់កម្មវិធីប្រកួតកីឡាប៉ារ៉ាឡាំពិកកក្រើក ខណៈពេលដែលនាងបានសម្តែង ជាមួយនឹងក្រុមតារាចម្រៀងប្រុស Coldplay តាមរយៈការលើកយកបទល្បីៗមួយចំនួនរបស់នាង រូមមានបទចម្រៀង Run This Town នឹង We Found Love ជាដើម។
គួរបញ្ជាក់ផងដែរថា មុននឹងឡើងទៅសម្តែងនៅក្នុងឧកាសពិធីបិទបញ្ចប់កម្មវិធីប្រកួតកីឡាប៉ារ៉ាឡាំពិក Rihanna ក៏ដូចជាសមាជិកម្នាក់ដែលមកពីក្រុមតារាចម្រៀងប្រុស Coldplay គឺលោក ChrisMartin វ័យ ៣៥ ឆ្នាំ ពួកគេបាននិយាយបញ្ជាក់ថា ពួកគេពិតជាមានកិត្តិយសមែនទែន ខណៈពេលដែលពួកគេក៏ជាផ្នែកមួយនៃកម្មវិធីបិទបញ្ចប់ការប្រកួតកីឡាប៉ារ៉ាឡាំពិក ហើយពួកគេនឹងប្រឹងប្រែងអោយអស់ពីលទ្ធភាពក្នុងការសម្តែង ជាជាងធ្វើអោយទស្សនិកជនទាំងអស់គ្នា មានការអាក់អន់ស្រពន់ចិត្ត។
ដើម្បីអោយយល់ជ្រាបកាន់តែច្បាស់ ថាតើ កម្មវិធីបិទបញ្ចប់ការប្រកួតកីឡាប៉ារ៉ាឡាំពិក មានភាពអធឹកអធម ក៏ដូចជា កក្រើកយ៉ាងណានោះ តាមដានទស្សនាបណ្តារូបភាពមួយចំនួននៅខាងក្រោមនេះបន្តិចទៅ ៖
ដោយ ៖ ពិសីប្រភព ៖ Dailymail