ទិដ្ឋភាពរួម ក្នុងកម្មវិធីចោលប៉េងប៉ោះ ដល់ទៅ ១០០ តោនប្រចាំឆ្នាំ

ប្លែកៗ  ៖   យោងតាមប្រភពសារព័ត៌មានកំសាន្តបរទេស  ដែលបានចេញផ្សាយមិនបានប៉ុន្មានថ្ងៃនោះបានអោយដឹងថា  មានកម្មវិធីប្រកួត  ក៏ដូចជាប្រឡូកលេងជាមួយនឹងប៉េងប៉ោះដល់ទៅ  ១០០ តោននៅក្នុងប្រទេសអាស្ប៉ាញ ពោលគឺ វាមានឈ្មោះថា La Tomatina ដែលជាកម្មវិធីមួយដ៏ធំបំផុតនាឆ្នាំនេះ។

គួរបញ្ជាក់ផងដែរថា   កម្មវិធីមួយនេះត្រូវបានគេប្រារព្ធធ្វើឡើងជារៀងរាល់ឆ្នាំ  នៅក្នុងប្រទេសនេះ​ដោយឡែកនៅក្នុងឆ្នាំនេះ បើតាមរបាយការណ៍បានបន្ថែមអោយដឹងថា ផ្លែប៉េងប៉ោះដល់ទៅ ១០០តោនត្រូវបានគេរៀបចំរួចជាស្រេចនៅក្នុងកម្មវិធីប្រកួតដ៏ធំមួយនេះ ដោយនៅក្នុងឆ្នាំនេះ វាត្រូវបានគេធ្វើឡើងនៅក្នុងក្រុងតូចមួយ (Bunol) ជិតតំបន់ Valencia ប្រទេសអេស្ប៉ាញ។

លើសពីនេះទៅទៀត ក៏មានការបញ្ជាក់អះអាងផងដែរថា ឆ្នាំនេះមានអ្នកចូលរួមច្រើនជាងឆ្នាំកន្លងៗទៅ គឺមានអ្នកចូលរួមដល់ទៅ ៤០,០០០​ នាក់មកពីជុំវិញពិភពលោក ខណៈពេលដែលកម្មវិធីកំសាន្តមួយនេះ ត្រូវបានគេប្រារព្ធធ្វើឡើងជាលើកដំបូង ចាប់តាំងពីឆ្នាំ ១៩៤៥ មកម្ល៉េះ។ ដើម្បីអោយជ្រាបកាន់តែច្បាស់​ ថាតើ ព្រឹត្តិការណ៍ដ៏ធំប្រចាំឆ្នាំមួយនេះ មានភាពសប្បាយរីករាយយ៉ាងណានោះ សូមតាមដានទស្សនានូវវីដេអូខាងក្រោមនេះបន្តិចទៅ ៖

ដោយ ៖ ពិសីប្រភព ៖ digitalspy