ប្លែកៗ៖ នៅពេលដែលគេបង្ហាញរូបភាពនៃវីដេអូ សត្វក្ដាន់មួយក្បាល ត្រូវបង្ខំចិត្ដលោតចូលទៅក្នុងរថយន្ដអ្នកទេសចរ ដើម្បីគេចចេញពីការតាមចាប់ស្ទាក់ ពីសំណាក់សត្វខ្លានោះ គឺបានធ្វើអោយមនុស្សជាច្រើន មានការភ្ងាក់ផ្អើលជាខ្លាំង ហើយបាននិយាយថា សត្វក្ដាន់នោះ ពិតជាមានសំណាងមែន។
រឿងរ៉ាវនេះ បានកើតឡើងនៅក្នុងឧទ្យានជាតិ Kruger នៅប្រទេសអាហ្វ្រិក។ បើយើងមើលតាមវីដេអូវិញ សត្វកា្ដន់ដូចជា មិនបានលោតចូលទៅផ្ទៃខាងក្នុងរថយន្ដទេ។ វាហាក់ទំនងជាលោតទៅកល់នឹងកញ្ចក់រថយន្ដផ្ទៃមុខ រួចហើយដើរឆ្លងថ្នល់ ដើម្បីទទួលបានសុវត្ថិភាពប៉ុណ្ណោះ។
ទោះបីជាយ៉ាងណាក៏ដោយ សត្វខ្លាចំនួនពីរ ដែលបានដេញស្ទាក់សត្វក្ដាន់ សម្រាប់ជាអាហារនោះ គឺមិនបានបន្ដដេញសត្វក្ដាន់ទៀតទេ។ នេះជាវីដេអូឃ្លីប សូមចុចដើម្បីមើល៕
ដោយ៖ នារីប្រភព៖ dailymail