ចម្លែកៗ ៖​ រកឃើញជ័យលាភីឯក ក្នុងកម្មវិធីប្រកួត លី ប្រពន្ធ រត់ក្នុងរយៈ ចម្ងាយឆ្ងាយ (មានវីដេអូ)

ចម្លែកៗ ៖ បើយោងតាមទីភ្នាក់ងារសារព័ត៌មានបរទេសប្លែក​ Spy ដែលទើបតែបានចេញអត្ថបទផ្សាយ កាលពីព្រឹកមិញនេះ អោយដឹងថា កម្មវិធីប្រកួត លី ប្រពន្ធប្រចាំឆ្នាំ​  (Wife Carrying Championships) ត្រូវបានគេធ្វើឡើងសាជាថ្មីម្តងទៀត ក្នុងឆ្នាំនេះ​ ពោលគឺនៅថ្ងៃទី ៥-៦ ខែកក្កដា កន្លងផុតទៅថ្មីៗនេះ  នៅឯប្រទេស ហ្វាំងឡង់ដ៍  ខណៈពេលដែលកម្មវិធីប្រកួតចម្លែកមួយនេះ   ត្រូវបានគេឡើងនៅក្នុងតំបន់ Sonkajärvi  នាប្រទេសនេះចាប់តាំងពីឆ្នាំ ១៩៩២ មកម្ល៉េះ។

ដោយឡែក បើនិយាយពីឧបសគ្គដែលបេក្ខភាពចូលរួមប្រកួតត្រូវប្រឈមនោះគឺការលីភរិយារបស់ខ្លួននៅពីលើស្មា  ដោយជើងរបស់នាងគៀបជាប់  ក  ស្វាមីរបស់ខ្លួន ខណៈពេលដែលនាងមានទម្ងន់ធ្ងន់បំផុត  គឺ ៤៩ គីឡូក្រាម  រួចរត់ក្នុងរយៈចម្ងាយឆ្ងាយ មានប្រវែងដល់ទៅ ២៥៣ ម៉ែត្រ ដោយរត់កាត់ទឹកមួយកន្លែងមានជម្រៅជាង ១ ម៉ែត្រ។

បើសិនណា ដៃគូស្វាមីភរិយាណាមួយធ្វើបានសម្រេចក្នុងរយៈពេលខ្លីនោះ នឹងក្លាយជាម្ចាស់ជ័យលាភី  ក្នុងកម្មវិធីប្រកួតលីប្រពន្ធមួយនេះ  ។ ខាងក្រោមនេះ គឺជាវីដេអូ បេក្ខភាពប្តីប្រពន្ធមួយគូ យកឈ្នះនូវកម្មវិធីមួយនេះ។ ជ្រាបកាន់តែច្បាស់ ថាតើពួកគេអាចយកឈ្នះបានយ៉ាងណានោះ តាមដានទស្សនាវីដេអូខាងក្រោមនេះទាំងអស់គ្នាណា ៖

ដោយ ៖ ពិសីប្រភព ៖ Spy