មិនគួរអោយជឿ ៖ 'Palace on wheels' ឬក៏វាំងសិប្បនិម្មិត គឺជារថយន្តទំនើបមួយដែលត្រូវ បានក្រុមអ្នកផលិតអោយឈ្មោះថា EleMMent។ គួរបញ្ជាក់ផងដែរថា រថយន្តដ៏ទំនើបបំផុត មួយនេះ ត្រូវបានផលិតឡើង ដោយក្រុមហ៊ុនផលិតរថយន្តនាំមុខ របស់ប្រទេសអូស្រ្តាលី MarchiMobile ។
ជាមួយនឹងគំនិតច្នៃប្រឌិត យ៉ាងប៉ិនប្រសប់ ពីស្នាដៃអ្នកជំនាញនោះ EleMMent ត្រូវបានធ្វើ ឡើងដោយមានប្រវែងបណ្តោយដល់ទៅ ១២ ម៉ែត្រ និងមានគ្រឿងបរិក្ខា ដែលសុទ្ធសឹងតែ ជាគ្រឿងសង្ហារឹមទំនើប ហើយវាពិតជាដើរតួយ៉ាងសំខាន់ ដូចទៅនឹងភូមិគ្រឹះដូច្នេះដែរ។
មិនត្រឹមតែមានភាពទាក់ទាញ នូវការរចនាម៉ូដប៉ុណ្ណោះទេ តែ EleMMent ក៏បានធ្វើអោយ ក្រុមមនុស្សភាគច្រើន មកពីទូទាំងពិភពលោក មានការចាប់អារម្មណ៍រឹតតែខ្លាំង ផងដែរខណៈពេលដែលវាមានដល់ទៅ បន្ទប់គេងបែបទាន់សម័យ មីនីបារ ( Mini Bar ) ក៏ដូចជា បានបំពាក់នូវអេក្រង់ទូរទស្សន៍ខ្នាតធំ ទំហំដល់ទៅ ៤០ អ៊ីង និង Sky Lounge ជាដើម។
មិនត្រឹមតែប៉ុណ្ណោះ បើតាមប្រភពសារព័ត៌មានដដែល ក៏បានបញ្ជាក់អោយដឹងបន្ថែមពីលើនេះផងដែរថា រថយន្តទំនើបមួយគ្រឿងនេះ គេក៏អាចរកជាវបានផងដែរ នៅឯទីក្រុងដូបៃ សហព័ន្ធអារ៉ាប់អេមីរ៉េត ខណៈពេលដែលវាមានតម្លៃត្រឹមតែ ២ លានផោន ស្នើនឹង ៣,១៣ លានដុល្លារ ។ ខាងក្រោមនេះ ជារូបភាពមួយចំនួន ជ្រាបកាន់តែច្បាស់ តាមដានទស្សនាទាំងអស់គ្នាណា ៖
ដោយ ៖ រិទ្ធីប្រភព ៖ chinadaily