តារាបរទេស ៖ បើតាមការអោយដឹងពីគេហទំព័រសារព័ត៌មានកំសាន្តបរទេស ដែលទើបតែបានចេញផ្សាយ កាលពីម្សិលមិញនេះ បានអោយដឹងថា តារាចម្រៀងប្រុសល្បីជនជាតិអង់គ្លេសRobbie Williams បានក្លាយជាឪពុកលើកដំបូង ខណៈពេលដែលភរិយារបស់លោកកើតកូនជាលើកទីមួយ។
គួរបញ្ជាក់ផងដែរថា ភរិយារបស់លោក Robbie Williams គឺនាង Ayda Field បានផ្តល់កំណើតកូនដំបូងរបស់នាង នឹងដាក់ឈ្មោះអោយថា Theodora Rose Williams កាលពីរសៀលថ្ងៃអង្គារម្សិលមិញនេះ។
លើសពីនេះទៅទៀត បើយោងតាមរបាយការណ៍ដដែល ក៏បានបញ្ជាក់បន្ថែមអោយដឹងផងដែរថាគូស្វាមីភរិយាមួយគូនេះ បានព្រមព្រងក្នុងការរៀបអាពាហ៍ពិពាហ៍ជាមួយគ្នា កាលពីថ្ងៃទី ០៧ ខែសីហា ឆ្នាំ ២០១០ នៅ Los Angeles សហរដ្ឋអាមេរិក។ លុះក្រោយមក កាលពីអំឡុងខែ ឧសភា ឆ្នាំ ២០១២ នេះ គូរស្វាមីភរិយាមួយគូរនេះ បានប្រកាសជាសាធារណៈថា ពួកគេនឹងប្រសូត្រកូនស្រីនាពេលខាងមុខនេះ។
ទន្តឺមនឹងភាពជោគជ័យ នៅក្នុងជីវិតឯកជន Robbie Williams ក៏ទទួលបានភាពជោគជ័យខ្លាំងណាស់ដែរនៅក្នុងជីវិតការងារ ពោលគឺវីដេអូបទចម្រៀង ដែលមានចំណងជើងថា Candy របស់លោក ដែលទើបតែនឹងបានចេញផ្សាយនាពេលកន្លងទៅ ត្រូវបានទស្សនិកជន View ដល់ទៅជាង ២ លានដងឯណោះ ដើម្បីជ្រាបកាន់តែច្បាស់ តាមដាន MV ខាងក្រោមនេះទាំងអស់គ្នាបន្តិចទៅ ៖
ដោយ ៖ ពិសីប្រភព ៖ Spy