តារាម៉ូដែល មានមហិច្ឆតាចម្លែក ចង់ក្លាយជានារី កន្ធាត់ជាងគេលើលោក

ចម្លែកៗ ៖ បើយោងតាមការដកស្រង់អត្ថបទផ្សាយ  របស់គេហទំព័រសារព័ត៌មានប្លែកបរទេស   ដែលទើបតែបានចេញផ្សាយ    កាលពីពេលកន្លងទៅនេះ  បានគូសបញ្ជាក់អោយដឹងថា ស្រ្តីម្នាក់ប្រឹងទទួលទាន អាហារដែលមានដល់ទៅ ៥០០០ កាឡូរីក្នុងមួយថ្ងៃ ដើម្បីសម្រេចបាននូវគោលបំណងរបស់ខ្លួន អោយមានទម្ងន់ដល់ទៅ ១៩០ គក ។

គួរបញ្ជាក់ផងដែរថា នារីចម្លែករូបនេះ មានឈ្មោះ Tammy Jung វ័យ ២៣ ឆ្នាំ ខណៈពេលដែលនាពេលបច្ចុប្បន្ននេះ នាងមានទម្ងន់ ១០០ គក និង  រកប្រាក់បានតាមប្រព័ន្ធអ៊ិនធើណេត បានផងដែរ នារីកន្ធាត់ មានសម្រស់ស្រស់ស្អាតជាងគេ  ។   មិនត្រឹមតែប៉ុណ្ណោះនាងក៏មានមិត្តប្រុសផងដែរ ដែលជាបុគ្គលមួយរូប តែងតែជួយទំនុកបំរុងនូវអាហារដែលមានជាតិខ្លាញ់ជាច្រើន  ដល់នាងជារៀងរាល់ថ្ងៃ  ក្នុងនោះ  រួមមានដូចជា​  ៖​ សាច់បីជាន់Burger, Pizza ក៏ដូចជាអាហារសម្រន់មួយចំនួនផ្សេងទៀតផងដែរ។

លើសពីនេះ ប្រភពសារព័ត៌មានដដែលបន្ថែមថា កាលពីពេលកន្លងទៅ នាង Tammy ក៏ធា្លប់ជាតារាម៉ូដែលមួយរូបផងដែរ។ យ៉ាងណាមិញ បើយោងតាមសម្តីនាង Tammy ខ្លួនឯងផ្ទាល់នោះ បានអោយដឹងថា កាលពី ២ ទៅ ៣ ឆ្នាំកន្លងទៅ  នាងពិតជាពេញចិត្តនូវរូបសម្បត្តិនាងណាស់  ខណៈធ្វើជាតារាម៉ូដែល  តែមិនបានប៉ុន្មានផង  នាងក៏បានចាប់ផ្តើមធាត់បន្តិច  លុះក្រោយមក  បន្ទាប់ពីនាងធ្វើការឆ្លុះកញ្ជក់រួចមក  ទើបនាងបានដឹងតាមពិតទៅ នាងពិតជាស៊ិចស៊ី  ក៏ដូចជា  មានមោទនភាពជាខ្លាំង  នៅពេលដែលនាងធាត់   ដែលកត្តានេះ  ទើបជាចលករ ជំរុញអោយនាងបន្តការញ៉ាំរបស់ខ្លួន  អោយបាន៥០០០ កាឡូរីក្នុងមួយថ្ងៃ ដើម្បីបំពេញមហិច្ឆតាចម្លែករបស់ខ្លួន  អោយមានទម្ងន់ដល់ទៅ ១៩០ គីឡូក្រាម  និង កា្លយជានារីធាត់ស្រស់ស្អាតជាងគេលើលោក ។  ខាងក្រោមនេះជាវីដេអូ តាមដានទស្សនាទាំងអស់គ្នាណា ៖

ដោយ ៖ ពិសីប្រភព ៖ spy