ជាទូទៅ យើងតែងចង់ក្លាយជាអ្នកដែលមានសមត្ថភាពមិនធម្មតា ប៉ុន្ដែ Conner (៨ឆ្នាំ) និង Cayden Long(៦ ឆ្នាំ) រស់នៅក្នុងរដ្ឋ Tennessee អាមេរិក បែរជាតស៊ូដើម្បីអោយដូចទៅនឹងមនុស្សធម្មតា។
ពីរនាក់បងប្អូន Conner និង Cayden
Cayden ត្រូវបានគ្រូពេទ្យពិនិត្យឃើញថាមានជម្ងឺខួរក្បាលកាលពីមានអាយុ ៤ខែ។ Cayden មិនអាចធ្វើដំណើរ ជិះកង់ ឬហែលទឹកបាននោះទេ។ ប៉ុន្ដែបងប្រុសរបស់ Cayden គឺ Conner បានបំពេញបំណងរបស់ Cayden ជានិច្ច និងអាចជួយអោយ Cayden បានចូលរួមក្នុងការរត់ប្រណាំងនៅឯកម្មវិធីកីឡា “Nashville Triathlon” ដែលត្រូវបានគេធ្វើឡើងនៅភាគខាងត្បូងអាមេរិក។
Conner បានធ្វើជា ជើង សម្រាប់ប្អូនក្នុងការរត់ប្រណាំង
ជារៀងរាល់ថ្ងៃ Cayden នៅតែទៅរៀននៅសាលាពិសេស។ Cayden មានរទេះសម្រាប់អ្នកពិការមួយគ្រឿង និងប្រើប្រាស់ភាសាកាយវិការដើម្បីធ្វើទំនាក់ទំនង។ ចំណែក Conner វិញ គេស្រឡាញ់ប្អូនខ្លាំងណាស់។ Conner ថ្លែងថា ៖ ប្អូនខ្ញុំពិតជាមនុស្សកំប្លែងណាស់ គេងាយនិងស្និទ្ធស្នាល និងមិនដែលខឹងនឹងខ្ញុំទេ។
Conner ថែមទាំងអាចជួយបំពេញបំណងរបស់ប្អូនក្នុងការលេងទឹកផងដែរ
ពុកម្ដាយរបស់ក្មេងទាំងពីរនេះ គឺលោក Jeff Long និងអ្នកស្រី Jenny Long ថ្លែងថា ៖ កូនប្រុសរបស់ខ្ញុំ មានការតស៊ូ និងមានកម្លាំងចិត្ដរឹងមាំខ្លាំងណាស់។ ខ្ញុំតែងគាំទ្រគេជានិច្ច។ ចំណែកកូនប្រុស Conner ថ្លែងថា ៖ សូមកុំនិយាយថា ៖ មិនអាច។ ពួកគេជាក្មេងគួរអោយអាណិតស្រឡាញ់ណាស់ មែនទេមិត្តអ្នកអានទាំងឡាយ ?
ដោយ ៖ សូរីយ៉ាប្រភព ៖ K14