ស្ទើរតែមិនគួរអោយជឿ ៖ បើយោងតាមទីភ្នាក់ងារសារព័ត៌មាន បរទេស huffingtonpostដែលទើបតែបានចេញផ្សាយកាលពីថ្ងៃទី ១៣ កន្លងទៅនេះអោយដឹងថា គូស្នេហ៍មួយគូត្រូវបានរកអោយឃើញថា ពិតជាចម្លែកហួស ខណៈពេលដែលពួកគេមានទម្លាប់ ផឹកឈាមគ្នាទៅវិញទៅមកជារៀងរាល់សប្តាហ៍។
គួរបញ្ជាក់ផងដែរថា គូស្នេហ៍ដ៏ចម្លែកមួយគូនេះ មានឈ្មោះថា Benninghoff វ័យ ២០ ឆ្នាំនិង Draven វ័យ ៣៨ ឆ្នាំ ។ ពួកគេទាំងពីរនាក់ បានចាប់ផ្តើមមានទំនាក់ទំនងជាមួយគ្នាកាលពីខែកុម្ភៈនាដើមឆ្នាំនេះមកម្ល៉េះ បន្ទាប់ពីបានស្គាល់គ្នាតាមរយៈគេហទំព័រ dating (da-ting website) ។
យ៉ាងណាមិញ ប្រភពសារព័ត៌មានដដែល ក៏បានដកស្រង់សម្តី គូស្នេហ៍មួយគូនេះផងដែរថា ពួកគេពិតជាមានចំណូលចិត្តដូចគ្នាណាស់ ក្នុងការផ្តោះប្តូរផឹកឈាមគ្នាទៅវិញទៅមកនេះហើយពួកគេបានបញ្ជាក់យ៉ាងច្បាស់ថា ចំណូលចិត្តក្នុងការធ្វើបែបនេះ ពិតជាបានធ្វើអោយពួកគេមានអារម្មណ៍មួយថា ពិតជាស្និទ្ធិស្នាលគ្នាខ្លាំងណាស់ ពោលគឺ សិទ្ធិស្នាលជាងការបើកសង្រ្គាមសឹករួមគ្នាទៅទៀត (រួមដំណេក)។
ជាមួយនឹងទម្លាប់ ដ៏ចម្លែកនេះហើយ គូស្នេហ៍មួយគូ ដែលត្រូវបានគេទទួលស្គាល់ថាជាខ្មោចឆៅ មនុស្សពិត បានមានគម្រោងរៀបការជាមួយគ្នា នៅក្នុងថ្ងៃនៃកម្មវិធីបុណ្យ Hallo-ween ។ ខាងក្រោមនេះជាវីដេអូ ជ្រាបកាន់តែច្បាស់ តាមដានទស្សនាទាំងអស់គ្នាណា ៖
ដោយ ៖ ពិសីប្រភព ៖ huffingtonpost