វីដេអូគ្រោះថ្នាក់ព្រឺក្បាល ក្រឡាប់ឡាន ទៅបុកនឹងការ៉ាស់សាំង មិនស្លាប់ ហៅតាក់ស៊ី ជិះធ្វើព្រងើយ

ស្ទើរតែមិនគួរអោយ ៖ ពិតជាសំណាងហួស ខណៈពេលដែលបុរសម្នាក់ មិនបានស្លាប់បាត់បង់ជីវិតអ្វីនោះទេ សូម្បីតែរងរបួសធ្ងន់ និងស្រាល  ទំនងជាមិនមានផង  បន្ទាប់ពីគាត់បានបើកឡានក្នុងល្បឿនដ៏លឿន និងស្ទុះទៅបុកស្ថានីយ៍ប្រេងឥន្ទនៈមួយកន្លែងយ៉ាងកម្រោលក្រោយពីរថយន្តរបស់គាត់ក្រឡាប់ដល់ទៅ ពីរ បី ដងឯណោះ។

អ្វីដែលជាភាពភ្ញាក់ផ្អើល    និងគួរអោយរន្ធត់នោះគឺថា  វាគឺជាករណីគ្រោះថ្នាក់ ដ៏គួរអោយរន្ធត់ហួស   ខ្វះតែបន្តិច  អាចនៅក្រឡាប់ ទៅបុកកន្លែងចាក់សាំង  នាស្ថានីយ៍ប្រេងឥន្ទនៈមួយនេះដែលអាចនឹងងាយ ឆាបឆេះ ។ អ្វីដែលហួសចិត្ត និងមិននឹកស្មានដល់  នោះគឺថា ក្រោយពីបានកើតហេតុ បុរសដែលជាអ្នកបើកបររូបនោះ បានលោតចេញពីទ្វាររថយន្ត រួចក៏បានហៅតាក់ស៊ីជិះទៅបាត់។

 

យ៉ាងណាមិញ បើយោងតាមសម្តីលោកស្រី  Thanaa Bassette  ត្រូវជាម្ចាស់ស្ថានីយ៍ប្រេងឥន្ទនៈមួយកន្លែង នោះអោយដឹងថា  មកទល់នឹងពេលនេះ  លោកស្រីក៏កំពុងតែសហការជាមួយនឹងមន្រ្តីប៉ូលីស   ដើម្បីឈានដល់ការចាប់ឃាត់ខ្លួន  បុរសដែលជាអ្នកបង្កហេតុរូបនោះ   ។ បើនិយាយពីទំហំនៃការខូចខាតវិញ  លោកស្រី Bassette បន្ថែមថា  ករណីគ្រោះថ្នាក់លើកនេះ​ បង្កអោយខូចខាតទ្រព្យសម្បត្តិអស់ជាង ៥ ពាន់ដុល្លារ។

គួររំឭកផងដែរថា    ករណីគ្រោះថ្នាក់ខាងលើនេះ  បានកើតឡើងកាលពីព្រឹកថ្ងៃសៅរ៍កន្លងទៅ នៅឯរដ្ឋ Ohio សហរដ្ឋអាមេរិក។ ខាងក្រោមនេះជាវីដេអូដើម្បីបំបាត់នូវមន្ទិលសង្ស័យ តាមដានទស្សនាបន្តិចទៅ ៖

បញ្ជាក់ ៖ គោរពអាយុជីវិតខ្លួនឯង និងអ្នកដទៃគួរណាគោរពច្បាប់ចរាចរណ៍អោយបានខ្ជាប់ខ្ជួន  ។ បើបើកបរ កុំសេពគ្រឿងស្រវឹង បើសេពគ្រឿងស្រវឹង សូមកុំបើកបរ៕

ដោយ ៖ រិទ្ធីប្រភព ៖ abcnews